Will posuía un don: tiña unha intelixencia apabullante. Pero tamén un montón de medos e condicionantes que non o deixaban medrar, como unha infancia turbia, a vida que levaba no barrio, ou algúns problemas coa lei. En realidade, Will era un macarrilla.
Ata que, tras resolver varios problemas matemáticos mentres limpa nun edificio universitario, alguén dalle a oportunidade de reconducir a súa vida. Entón Will, tan brillante como faltón, tan duro como cagado de medo, terá que empezar a elixir entre a súa vida de sempre (traballos fáciles, amigos, copas, broncas) ou as enormes e descoñecidas posibilidades que o seu talento lle ofrece.
Hai moitos momentos brillantes nesta película... AQUÍ, comparto o que máis me gusta: Will, en plan desafiante, coa única persoa que saberá axudarlle: un peculiar profesor e terapeuta. Ou como diría el, cun "puto comecocos". Quizais só un xenio pode facer pensar e sentir a outro xenio.
Se tedes tempo e ganas, atoparédela fácil en internet, pois é do ano 1997 (recibiu dous Óscar). E senón, por suposto, préstoa con gusto, porque estou seguro de que deixará pegada en vós.
Un dos Oscars foi para os dous guionistas, dous nenos prácticamente, Matt Damon e Ben Affleck que son amigos de toda a vida e escribiron esta obra en formato de película de acción pero os productores fixeron que cambiaran de idea e orientaran o guión hacia o drama... Gus Van Sant tamén foi escollido polos dous actores para dirixir a película. Boa peli e mellor director... se quereres ver algo máís de Van Sant empezade por ''Elephant'' e acabade por ''Gerry''.
ResponderEliminarPois mira: eu non sabía que eles escribiran o guión pensando nunha película de acción... O cambio foilles perfecto! De feito, ese ano gañaron o premio Oscar ao mellor guión orixinal... ademais do de mellor actor secundario para Robin Williams.
ResponderEliminarQue non está mal, non? Sobre todo, tendo en conta que naquela edición estaba a película "Titanic", que levaría practicamente todos os premios (once!).
pd: Por certo, eses dous amigos tan novos, escribindo un guión a medias... lémbranme a certos cineastas que eu coñezo, nos seus inicios... :)