Saltar ao contido principal

Postais vellas... e Reto!

Que tesouros se poden atopar nas librarías de vello! Refírome a esas tendas que venden libros, postais, vinilos... sempre obxectos usados ou descatalogados.  Tendas absolutamente diferentes, con esa aparencia de fallado cheo de recordos, e ese olor a libros manoseados e a vidas vividas. Coñezo un par delas en Vigo, e de vez en cando fago algunha incursión a ver que tesouro atopo por apenas catro moedas. Na última visita, polo módico prezo de 40 céntimos, atopei dous! Así que...

Hoxe tráiovos un reto. Preparados? :)
Son dúas postais de Galicia, dos anos 60 máis menos.

Recoñecedes os lugares retratados...?
Son moi coñecidos!

Postal 1: vaia cambio!


Postal 2: aquí hai que dicir 2 nomes!






Que? Tedes a resposta?
Parécevos que fomos a mellor?

A min faime acordar desta outra postal.
Etiquetas:

Comentarios

  1. Mónica Pérez, vía Facebook28/9/13

    Polo pobo da primeira postal andivemos tua irmá e mais eu non fai moito. Moito cambiou! Non queda unha arbore!... e non fai tanto diso!

    ResponderEliminar
  2. Miguel Abraira28/9/13

    Ese, ese mesmo! Pois si, pouco que ver con agora (eu non digo nada...).

    ResponderEliminar
  3. Samantha29/9/13

    La primera...
    Sanxenxo??

    Y la segunda... San Antón y San Simón?

    La isla de Toralla fue la primera que me vino a la cabeza, pero no me parece!

    ResponderEliminar
  4. Miguel Abraira29/9/13

    Jejeje...

    ResponderEliminar
  5. Lucía Pérez29/9/13

    A primeira é Sanxenxo.
    E a segunda... A illa de Arousa e A Toxa?

    ResponderEliminar
  6. Miguel Abraira29/9/13

    Lucía, craváchelo!! Premio!!!

    Acertastes de pleno coa primeira: iso é SANXENXO!!
    Vista do porto e a praia de Silgar. Vaia cambio! Aos que non coñezades moito Sanxenxo anímovos a que comparedes a imaxe da postal cunha vista de satélite en google maps.

    Na segunda, en efecto, vense dúas illas. A que se ve primeiro é a ILLA DA TOXA, que daquela xa tiña ponte, pero estaba menos urbanizada. E a que se ve ao fondo, que é moito máis grande e moi plana, é a ILLA DE AROUSA! Que daquela, aínda non tiña ponte, pois construiuse despois, en 1985. A Illa ten 11 quilómetros de praias!! e é o concello máis novo de Galicia, pois independizouse do de Vilanova de Arousa en 1995.

    Lucía, gárdoche o premio!!
    Moitas grazas por seguirme o xogo! :D

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix
40 comentarios
Ler máis

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS
51 comentarios
Ler máis

III Concurso CineHistoria

Como cada curso, e xa van tres, en 1º de Bacharelato empregamos a Historia como unha escusa para ver cine... Ou será que usamos o cine como escusa para ver a Historia? O funcionamento é sinxelo. Entrego unha lista de películas por época histórica, concedo un prazo amplo para ver unha delas e despois realizamos un concurso de críticas onde cada un busca unha forma orixinal e breve de falar da peli que elixiu... Con que premio? Con cal vai ser! Aquí comeza o  III CONCURSO CINE HISTORIA  de 1º Bacharelato! 49 películas na lista. 41 candidatos que escribiron a súa minicrítica (8 liñas). 3 pelis de premio (as da imaxe) para as 3 mellores! A partir desta tarde podedes lelas todas, nos Comentarios  desta entrada. Este Xoves 4 , na clase e no blog:  Gañadores, Premio e Foto! Sorte a todos!  
41 comentarios
Ler máis