Saltar ao contido principal

Momentos Selectivos II (para vitaminarse)

Falta un día para a Selectividade. E aínda que este curso non me tocou dar clases en 2º de BAC, si teño algúns exalumnos para os que quero desexar moito ánimo e a mellor das sortes. Así que, igual que fixemos en Caronte hai xusto un ano, é hora dunha boa carga de enerxía extra. 

É o momento desa canción-himno que, optimista e vitamínica, cumpra profesionalmente co seu cometido: empurrarvos a todo trapo cara ese lugar que soñades para vós, onde queira que estea. A elección deste curso (como non) recae no mellor dos líderes posibles. A el vos encomendo. Que o Boss vos guíe!!  

"Temos que saír mentres somos novos.  Porque os vagabundos coma nós, nacimos para correr"


Selectivistas: Correde moito, e a por todas!
Etiquetas:

Comentarios

  1. Lucía García Jartín5/6/12

    Con esto xa non fai falta moito máis para aprobar. Vamos!

    ResponderEliminar
  2. Miguel Abraira5/6/12

    Claro que si.
    Non hai dor, non hai dor!

    Dentro de so 3 días, xa liberados, pasaredes a "Dancing in the dark"!

    ResponderEliminar
  3. Marcela8/6/12

    Que ganas de berrar, que experiencia!
    Esto é vida deus...esto é vida!
    A tensión, os nervos, as risas, as alegrías, as penas, os desenganos, e a liberación... toda unha vida de sensacións concentradas en tres días!

    ResponderEliminar
  4. Miguel Abraira8/6/12

    Claro que si, Marcela! É unha experiencia, é un rito de paso, é un reto, é unha porta aberta á vida.

    Feliz rito de paso!
    E agora, merecidamente...
    A noite é vosa!!

    http://www.youtube.com/watch?v=129kuDCQtHs

    ResponderEliminar

Publicar un comentario

Grazas por comentar!

Publicacións populares deste blog

Petos de ánimas: o medo como arma

  “ Un alma tienes y no más, si la pierdes qué harás ” . Eso pon nalgúns coma este. Glups. Coñeces os petos de ánimas?... De noite e, coa única luz dunha vela, a imaxe impresiona. E xuro que non a puxen eu. Este está nun cruce de camiños, sobre unha pilastra. As figuras representan tres almas (unha delas con mitra, polo tanto un bispo) ardendo terrorificamente entre enormes lapas de lume no Purgatorio, cunha pomba (o espírito santo) sobre as súas cabezas. Se un se achega ben, aínda é posible descubrir restos da pintura vermella nas lapas, engadindo unha dose extra e moi truculenta de realismo. Qué demo é esto? E por que hai unha vela aí? Explícoche: Un PETO é unha hucha. Non a ves, pero detrás do cirio da foto hai un oco para depositar moedas nunha caixa baixo chave. Chave que por certo tería o párroco. As ÁNIMAS son as almas. Almas de persoas mortas que, por algún motivo, non poden acceder aínda ao ceo. E aí están, pasándoo mal, penando. E dando pena. O PURGATORIO sería ese espaz...
Publicar un comentario
Ler máis

Equinoccio versión San Miguel de Celanova

Aliados coa natureza, tamén nós podemos facer cousas incribles . Mirade que beleza. Hai máis de mil anos, polo século X, os monxes do mosteiro de Celanova decidiron construír no horto do convento unha capela diminuta para honrar coas súas oracións ao fundador do mosteiro. Diminuta e única no seu estilo, entre visigodo e mozárabe. Tan perfecta que a capela está matematicamente aliñada para captar polas ventás a luz do amencer en dous días concretos e moi especiais do ano: o equinoccio de primavera e o de outono .   E a que non sabedes que día foi hoxe...? Vía Nun par de minutos espectaculares , a luz do sol cólase polas estreitas ventás da fachada Leste e, tras atravesar como un coitelo o escuro interior da capela, sae exactamente pola estreitísima ventá que decora a fachada contraria, formando o rosetón de luz que tan ben se ve na fotografía. Non sei que pensarían os monxes cando vían isto cada primeiro día da primavera e o outono... Cun espectáculo así, preg...
2 comentarios
Ler máis

A memoria da choiva

Ollo... Esquecédevos da riquiña  Os fillos do mar . A nova novela de Pedro Feijoo entra polos ollos de maneira despiadada e con auténtica ira. A ira de Rosalía, que emerxe vingadora nunha serie de brutais crimes . Todo iso que nos contaron dunha Rosalía de Castro feble, depresiva e nostálxica quizais non era máis cá un monte de merda arroxado sobre a súa verdadeira personalidade. É que non o vedes? A moitos lobos interesáballe vendela así, manipulada e desdebuxada ata o extremo. Pero sen que eles puideran sabelo, todo ese conto, todas esas mentiras foron inxectando nalguén que permanecía oculto " un sangue negro, duro coma o ferro, un río mesto e pegañento de cólera e desesperación ". E agora, cando menos o agardaban, chegou a hora. Alguén está a tomarse, con violencia e brutalidade extremas,  a xustiza pola man . Santiago de Compostela, ese impresionante escenario . Un coñecido colaborador televisivo aparece asasinado na súa casa cun ferro de vinte e dous centímetr...
2 comentarios
Ler máis