Saltar ao contido principal

A península, desde o espazo


A NASA publicou hai un par de días esta fermosa fotografía. A imaxe foi tomada desde a Estación Espacial Internacional, un inmenso trebello tripulado que orbita arredor da Terra a uns 380 quilómetros de altitude, e retrata a península Ibérica de noite. ¿Que vos parece?



A min, aparte de curiosa, paréceme incriblemente útil para unha clase de Xeografía. En concreto para entender dunha soa ollada a desigual (diversa, diríamos en 2º de bacharelato) distribución da poboación. Por exemplo:
  1. Os tres puntos de luz máis intensos coinciden coas cidades de Madrid, Sevilla e Lisboa. Coa mesma intensidade deberían brillar Barcelona e Valencia pero, ao estar tomada a foto desde o Oeste, a parte Leste da península aparece demasiado desenfocada. 
  2. En segundo lugar, conclúese claramente que a poboación concéntrase nas zonas de costa, deixando moito máis baleiro o interior: 
    • En Portugal, destaca toda unha franxa de luz á beira do Atlántico (con dous puntos máis grandes en Lisboa, ao sur, e Oporto, máis ao norte).
    • E en España, destaca o litoral mediterráneo, no que as luces debuxan un enorme "paseo marítimo" desde Xibraltar ata Cataluña. Aínda que non se ve con suficiente nitidez, parecen destacar Málaga (pasando o Estreito), Valencia (incluso Mallorca) e Barcelona. 
  3. Se miramos a Galicia, clicando na imaxe, veredes que case toda a poboación se amontoa na fachada atlántica e nas principais cidades galegas: os puntos de máis luz coinciden con A Coruña, Pontevedra-Vigo e, máis aló, Ourense e Lugo. Fóra destas, o interior queda moi ás escuras.
Por certo, apréciase a esfericidade da Terra! E se vos chamou a atención esa liña verde e dourada do fondo, que saibades que se corresponde coa radiación ultravioleta retida pola atmosfera. Ese efecto invernadoiro necesario, pero que estamos radicalizando e agravando preocupantemente cos gases que emitimos. Como vedes, é certo o dito: unha imaxe vale máis que mil palabras.

Comentarios

  1. Sandra30/12/11

    É impresionante!! unha imaxe preciosa e preocupante tamén polo efecto invernadoiro.E certo,moi boa foto para unha clase de xeografía!
    FELIZ ANO A TOD@S!!!

    ResponderEliminar
  2. Feliz 2012 Sandra! Preocupante o efecto invernadoiro, e tamén, xa que estamos, a contaminación lumínica (¿xa estarían postas as luces do Nadal ao facer a foto?)...

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d