27/04/20

Gañadores do 8ª Concurso CineHistoria!

27/04/20

Como dicía Julio Cortázar: "todo debe ser un poco insólito en este mundo, porque lo contrario de lo insólito es lo común, o sea una lata".

Posiblemente este 2019-20 foi o curso máis raro da túa Historia... e da miña! Motivo de máis para facer cousas insólitas. Por iso, en plena pandemia e con todo en suspenso, incluso Eurovisión, lanceime (lanzámonos) a facer a entrega de premios máis ambiciosa e tola da miña vida: a través dun Directo de Instagram, en aberto, con todos (profe e alumnado) vestidos de gala para a ocasión, e emulando a adictiva dinámica de Eurovisión. Con conexións cos membros do xurado, táboa de puntuacións con clasificación e entrega de premios aos 3 autores gañadores en rigoroso directo. E todo cun móbil e unha conexión a internet. Pero con moitas moitas ganas e ilusión.

Unha tolemia total que nos fixo sorrir, esquecer por unhas horas a pandemia e sentir que estabamos nun sábado noite normal, celebrando un concurso educativo como se fora case unha festa. E creo que, en efecto, o foi. Seino porque sorrío moito cada vez que vexo as imaxes do vídeo-resume da gala (clica no subliñado!).

Gustaríame que non esquezades este día. Non só pola festa e o ruído, sano e pegadizo, que fomos capaces de montar en torno a un concurso educativo da clase de Historia. Senón tamén polos valores que demostrasteis ter para que esto pasase de ocurrencia a realidade: a amizade, o compromiso, o afán de superación, a colaboración... E sobre todo o valor de atreverse a facelo diferente. E porque, non o olvidedes, o cine, como a vida, serve para recordarnos que sempre, sempre, Somos Historia. ;)

Recibe os contidos no teu correo

0 comentarios

Publicar un comentario

Grazas por comentar!

ˆ
MIGUEL ABRAIRA © - DISEÑO: HERPARK