Rescatando animais

Entre toda a merda que xeramos, ningunha hai peor cá o maltrato.
Sodes capaces de velo nesta imaxe?

Era unha cadela branca, de ollos azuis. Estaba chea de sarna e de infeccións por todo o corpo. Tan débil que nin sequera tiña forzas para moverse cando se achegaron a ela para axudala. Unha hora estivo a persoa do vídeo ao seu lado, tratando de gañarse a súa confianza para poder levala con el ata unha clínica.

Non sei se é agradecemento, ou se é empatía. Quizais é simple felicidade. Pero tras dúas semanas de intenso tratamento e coidados veterinarios, a cadela non só estaba case recuperada fisicamente... Ademais axudaba a outros cans que foran abandonados a recuperar a confianza!

Máis aló desta historia, gustoume o que atopei detrás dela. Dúas persoas organizadas para loitar contra o abandono, e unha web con decenas de vídeos coma este. Se como dicía Gandhi, a grandeza dunha civilización se pode xuzgar por como trata aos seus animais... pasaremos á Historia como unha banda de paletos. 

Clic en calquera das fotos para ver o vídeo desta historia.

E Clic en Hope for Paws, para ver e saber máis.