¿A mano o a máquina?

Poderían ser as vosas avoas, ou as miñas. Dúas señoras galegas lavan a man a roupa, tal e como sempre fixeron. A escena, aínda que en plena extinción, non aparenta ter nada especial. Pero a conversa que manteñen mentres tanto, analizando a forma de vida actual, non ten nin un segundo de desperdicio. Aquí non hai efectos especiais, nin unha historia de emocións intensas, e nin tan sequera un final con moralexa. Nestes tres minutos o único que hai é o incomparable bo rato de poder escoitar a dúas avoas xuntas, falando de como ven elas o que está pasando. Encántame a idea de que alguén se parase a ver, escoitar e a darlle valor a ese modo tan particular que teñen de ver, entender e contar como cambiou todo.

Disfrutade. Do vídeo, e dos avós!

¿A mano o a máquina? foi rodada en Mogor (Marín) por Carlos Prado, e actualmente opta ao premio do público e o de mellor documental no festival de curtametraxes máis importante de España, Notodofilmfest. Sorte!