Saltar ao contido principal

Verónica, Balón de Ouro

Non sae nas portadas porque é muller, e iso dinos o lonxe que estamos de poder falar de igualdade. Pero o que Vero Boquete, futbolista galega de 27 anos, nacida en Santiago de Compostela, está conseguindo meréceas todas polo que ten de exemplar.

Clic para vela xogando ao fútbol
Vía


Primeiro por apostar forte pola súa paixón. Segundo, polo valor de saír fóra e recorrer o mundo para facerse o seu propio camiño, xogando en equipos de España, Rusia, Estados Unidos, Suecia e actualmente Alemaña. E terceiro, por ser quen de gañar en todos eles títulos tanto colectivos como individuais que, todos xuntos, dan unha idea da súa calidade: 39 goles en 26 partidos na Liga española 2010-2011; Mellor Xogadora de 2011 na Women's Professional Soccer de EEUU; finalista dunha Champions League; capitana da selección española, 2 veces candidata a Mellor Futbolista de Europa...

E desde a pasada semana unha das 10 candidatas a recibir o Balón de Ouro,
como mellor futbolista do mundo de 2014.  Tela!
Vía






Sempre, todos os anos, tiven alumnas que xogaban ao fútbol. Non eran moitas e desde logo nunca o tiñan fácil. Con certa idade non se permiten equipos mixtos, e frecuentemente non hai un número suficiente de equipos de mozas como para formar unha liga feminina. De aí que non só sentise simpatía polo que facían, senón tamén moita admiración. Por ese valor que teñen á hora de non achicarse, de non renunciar, de insistir en facer o que lles gusta e, de paso, por estar abrindo a machadas un camiño aínda demasiado vetado ás mulleres. Por iso, cando coñezo os éxitos de Vero, non podo deixar de lembrarme delas (Cristina, Lidia, Sara, Lucía...) e de alegrarme como se realmente este fose o seu logro. Porque tamén o é.

Vía


O 1 de Decembro, espero, Vero estará entre as 3 finalistas.
E o 12 de Xaneiro, quen sabe, tal vez en Zurich recollendo ese Balón de Ouro.
Oxalá que así sexa. Por ela e por todas as que, como Vero, rompedes moldes cada día.

Comentarios

  1. Iria G, vía Facebook24/11/14

    Que ben Miguel

    ResponderEliminar
    Respostas
    1. E non mencionei ao Pastoricense pero... Lembro ben as vosas camisolas amarelas! Balón de Ouro xa!

      Eliminar
  2. Cristina M, vía Facebook24/11/14

    Compartiríao sen lelo, e agora que o lin, ademáis de ilusión, superación e éxito, comparto agradecemento e emoción. Por todas e polas túas palabras, moitas grazas, Miguel!

    ResponderEliminar
    Respostas
    1. Grazas a vós Acórdome agora daquela anécdota túa en Estambul... Eso é romper moldes!

      Eliminar
    2. Cristina M, vía Facebook24/11/14

      Coma todas elas! :D

      Eliminar
  3. Lidia L, vía Facebook24/11/14

    Bravo Miguel, cuánta falta fai xente coma ti!

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d