Saltar ao contido principal

Good Bye Lenin!

Hai pelis especiais, que aparte de levarte a un momento histórico, son capaces de emocionar, de facerche sorrir, ou de provocar que te preguntes cousas sobre os valores da sociedade na que vivimos... Esta é unha. Unha magnífica opción para a sesión de cine de fin de semana! 

Clic no cartel para ver o trailer.


Alemaña 1989. O muro de Berlín divide desde hai anos o país en dúas partes opostas e incomunicadas. Álex e a súa nai viven na parte comunista da cidade, algo do que ela se sente enormemente orgullosa. Ata que un día, un accidente faina entrar en coma. Cando esperta, Alemaña está reunificada e o mundo no que ela cría xa non existe. O seu fillo, preocupado pola súa saúde, fará o imposible por evitar que a súa nai se entere dese cambio. Aínda que iso esixa converter a súa vida nunha burbulla do pasado. 

Good Bye Lenin! é unha mestura orixinal e moi intelixente de comedia e drama. Que axuda a entender. Unha peli do máis entrañable, e que nos amosa dun modo moi respectuoso o que foi a RDA (a Alemaña comunista) para moitos dos que viviron nela, ata o día da caída do muro. Disfrutádea, que sei que o faredes... E  compartide opinión!

Comentarios

  1. E empezo eu. Porque hai tempo vin un fermosísimo vídeo daquela Alemaña, montado con imaxes desta película e coa súa magnífica banda sonora (non me digades que non conmove!).

    Ese vídeo pretendía conmemorar os 23 anos da caída do Muro de Berlín. E logrouno. Déixovolo con gusto, porque retrata un momento, e porque é xusto homenaxe á peli, e ao autor do vídeo. Grazas VonRommel9! Segue sorprendéndonos!

    http://www.youtube.com/watch?v=oWrXRWkKTug&feature=youtu.be

    ResponderEliminar
  2. Lucía E.25/5/13

    E coa BSO de Yann Tiersen, non? :D

    ResponderEliminar
  3. Tes razón, Lucía!... E con Yann Tiersen! Que só ver o comezo da peli, con esa música, xa paga a pena!

    ResponderEliminar
  4. Artai G.26/5/13

    uuii se ten BSO de Yann Tiersen, só por iso xa merece a pena! apuntoma en series.ly correndo xa! :D

    ResponderEliminar
  5. Vaiche a gustar, Artai. A música... e a peli!

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d