Saltar ao contido principal

Amish

Debatindo sobre anarquía en 1º de Bac, Bryan mencionou os Amish. Explicounos a todos que era xente que vivía apartada, con costumes ríxidas e doutras épocas, e que de cando en vez vense en películas e ata en series como os Simpson. Non todos nos facíamos unha imaxe, así que parecía interesante tirar un pouco dese fío, que tamén coñecían Iván e outros, para descubrir un pouco máis. E como unha imaxe vale máis que mil palabras:





A maioría dos Amish viven en Norteamérica, a onde emigraron desde Europa no século XVII. Aquí as súas crenzas relixiosas incomodaban moito ás doutrinas maioritarias, así que non pararon ata que os botaron. Actualmente conservan aínda unha fala que é dialecto do alemán e son moi coñecidos polo seu estilo de vida sinxela, humilde e autosuficiente. A súa relixión obrígaos a vivir illados do resto da xente e imponlles normas moi estritas acerca incluso da roupa e o aspecto persoal, para manter así as súas tradicións. Como rexeitan a modernidade, non poden ter electricidade, nin televisión, nin teléfonos, nin internet, nin automóbiles... o que os fai anacrónicos e moi particulares aos nosos ollos.

Por iso nun capítulo dos Simpson saen construíndo casas de madeira cunha facilidade pasmosa, pero ao non saber nada de electricidade acaban facendo arder a cabana de Bart... A maioría dos Amish séntense felices e libres de moitos dos apegos innecesarios que ven no noso estilo de vida. Pero tamén os hai que empezan a pedir cambios para adaptarse aos tempos. Coma os que se prestaron a saír na curiosísima reportaxe "Problemas en el paraíso Amish". Se vos presta ver como viven, Clic AQUÍ.

Comentarios

  1. Pode verse na peli de Peter Weir ''Único Testigo'' como viven os Amish... e tamén en ''El Bosque'' de M. Night Shyamalan aínda que nesta en realidade se fai unha crítica a este tipo de sociedade.

    ResponderEliminar
  2. Aí te vexo, Duarte!
    Non vin ningunha delas, pero a de Peter Weir (director de Master and Commander, El show de Truman, El club de los poetas muertos...) promete. Para variar!

    ResponderEliminar
  3. El Bosque é boisima tamén, a min incluso me gusta máis si cabe, do director de ''Señales'' e ''El Sexto Sentido''

    ResponderEliminar
  4. Marey26/1/13

    Ola Miguel! Outra vez volvo sentirme identificada. Non exactamente polos Amish, pero este ano visitei St. Jacobs, un pobo en Ontario estritamente relacionado cos menonitas, de feito puiden ver uns cantos por alí, mesmo un mercado no que algúns deles traballan. Pareceume moi interesante o xeito en que viven, como tamén o dos Amish, foi apaixoante!

    ResponderEliminar
  5. Ola Marey! En Ontario! Que sorte... Si, creo que Amish e Menonitas son moi moi similares. Eu faría o mesmo cá ti: iría ata alí só para poder coñecelos. Paréceme algo do máis interesante. Que experiencia viviche, xa me contarás ou amosarás algunha foto!

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d