Saltar ao contido principal

Saber venderse: Vigo in London

Falábavos o venres do orixinal e belísimo anuncio que Vigo fixo para captar viaxeiros e turistas (sector terciario) ingleses, e máis en concreto de Londres, onde agora xa sabedes que hai unha Vigo Street. Se eu fose inglés, despois de ver un vídeo así, mataría por botarme ao Atlántico, despregar velas e tomar polas armas as Cies, a Ría de Vigo e a propia cidade. Como naquela batalla naval de Rande, en 1702. 

Gozádeo, porque isto é Galicia. E é noso.

Comentarios

  1. Que interesante, Galicia chegando a todo o mundo. Dando o mellor que ten para atraer turistas, eso espero, que solo sexan turistas. Porque se ven xente para asentarse, Galicia vai perder bastante maxia e frescura, pasaría de o lugar das bruxas e dos montes a un lugar máis ou menos común.

    Gustoume esa última frase: Una ciudad que no se conquista, dónde tú puedes ser el conquistado.

    ResponderEliminar
  2. Estou de acordo Denís, pero so en parte.

    Non sei se vos ten pasado, pero ás veces un atópase xente de fóra máis namorada e implicada en coidar e vender Galicia cá os propios galegos.

    Por outra banda, creo que temos o inimigo en casa: a incultura, a desidia, a ignorancia, o gusto pola chapuza e o feísmo, a falta de normas ou de mecanismos reais para que se cumpran, o "ti vai facendo" co que moitos alentan todo isto... Somos nós os que destrozamos Galicia. Aquí está todo feito, o único que facía falla era adecentar, sinalar, dar a coñecer, e meter a menor cantidade posible de cemento.

    Porque á maioría dos ingleses, como a nós mesmos ou calquera outro, o que lles gusta é a autenticidade, a natureza, as paisaxes inalteradas, a historia (Rande, Drake, Verne...), a arquitectura entendida como arte, a boa cociña con produtos naturais e de calidade, ou a oportunidade dun ocio divertido pero tranquilo... en fin, todo iso que sempre estivo aí e que o anuncio xuntou tan ben. Se temos claro que a nosa riqueza está en toda esa autenticidade, Galicia será sempre Galicia (e non Salou, por exemplo), por moitas turistas que veñan.

    Tamén me gustou moito a última frase. En Vigo están moi orgullosos da súa reconquista da cidade aos exércitos franceses de Napoleón. De aí iso de que "non se conquista"...

    ResponderEliminar
  3. Gracias por poñer esto en época de exames ¬¬ ahora teño ganas de tirar con todo e irme para Vigo, mollar os pés á praia... :)

    ResponderEliminar
  4. E quen non?! Pero non tires aínda nada. Rema duro, que xa se albiscan os tesouros da ría! (xa queda menos para todos).

    ResponderEliminar
  5. Sandra4/6/12

    Dan ganas de ser conquistado! o vídeo dende logo que o consigue! Gustoume moito, imaxinádesvos un de toda Galicia...sería impresionante!!

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d