Saltar ao contido principal

O espectáculo do camión do lixo

Rétovos a non sorrir con esta historia. Pero aviso, perderedes. Cada mañá, desde hai cinco anos, os nenos dun colexio en Madrid agardan como auga de maio polo camión do lixo. Cando este chega, non importa o rebumbio ou o cheiro, todos os nenos corren ata a cerca para ver o espectáculo de espectáculos. E entón baixa el. Un humilde e xenial empregado municipal do servizo de limpeza. E fai isto:


Maxia? Non: empatía, sensibilidade, alegría. E é que todos queremos que nos fagan rir. O mesmo día en que din con esta noticia (un traballo case arqueolóxico nos tempos que corren), lin outra que explicaba que este empregado, asustado pola difusión deste vídeo, solicitara un cambio de rolda para evitar ser despedido; tiña medo. Despois, un comunicado da empresa aclarou que nada diso, que se sentían encantados de ter un empregado así, e que este poderá seguir facendo rir aos nenos do colexio co seu minuto de gloria a base de saúdos, coreografías e cancións. E respirei, coma se fose un neno dese colexio.

Agora que vemos como os bancos e os mercados nos gobernan, cousas coma esta son máis necesarias cá nunca para telo claro. Para saber e ter moi presente, que o mellor da vida non está no que podemos comprar, senón nos xestos que podemos dar a outros. E digo podemos porque, pese ao seu incalculable valor, son gratis. Ironías desta noria na que xiramos... Por certo, quen gañou o reto?

Comentarios

  1. Sandra11/6/12

    Eu non gañei o reto dende logo! cómo non vas sorrir?!! destas accións estamos moi escasos e é unha alegría ver xestos que non costan tanto facer e que aportan tanto coma pode ser un sorriso.Bravo por él e por eses pequenos tan alegres que lle fan os coros e que agardan coma auga de Maio esa visita tan especial tódalas mañás!

    ResponderEliminar
  2. "Su cuerpo amarillo
    absorbe sin más
    Bob Esponja!...

    El mejor amigo que
    puedas tener.
    Bob Esponja!..."


    Vaille a canción que nin feita adrede!

    ResponderEliminar
  3. Un sorriso, unha mirada, unha palabra... Cantas veces un simple xesto coma este pode cambiar ou mellorar o día das persoas que temos ao redor.

    ResponderEliminar
  4. Con valor dobre, cando se trata de nenos.

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d