Saltar ao contido principal

Travesía: pirarse a toda vela

"Dentro de vinte anos sentiraste máis desilusionado polas cousas que non fixeche que por aquelas que fixeche. Así que solta amarras. Navega fóra da baía segura. Atrapa os alisios nas túas velas. Explora. Soña. Descubre...
Mark Twain. 



Había moitísimo tempo que non gozaba tanto dun cómic. Pero moitísimo. Tanto, que hai xa semanas  que este libro agarrouse coma un percebe á miña mesa. Tanto, que non hai día no que non volva a rebuscar pasaxes entre as súas páxinas. Tanto, en fin, que hoxe voume dar o gustazo de intimarvos á súa lectura. Que por certo, é lectura moi fresca e pápase en menos cá un telediario (idóneo para refrescar entre exame e exame).

A punto de cumprir trinta anos, Aude está farta dunha vida rutinaria e aburrida, que non se parece á que imaxinaba cando era so un pouco máis nova. Vive estresada, o que fai non a enche e está cansa de diálogos de besugos. Sóbralle todo, porque todo lle parece baleiro. E ao mesmo tempo, sente medo: ¿estará a conformarse? Así que para poñerlle remedio, deseña a aventura de achegarse á persoa que quere ser: embarcarse nun veleiro para cruzar o Atlántico navegando durante todo un mes. Porque, como diría certo fareiro, "a xente, cando se lle pon na cara un xesto amargo, debería darse ao mar o antes posible". Ou quizais porque, como di un dos personaxes deste libro, "a vida só se sostén polos proxectos". 

Esa é a historia. En canto aos ingredientes, hai de todo: humor, ironía, o retrato dunha vida en París, as obrigas diarias, as viaxes en bicicleta, o inconformismo, a angustia, os soños e os libros como anestésico, o retiro nunha illa, a promesa do mar, ou o proxecto dun prometedor veleiro no que poder saír a navegar. A cazar os ventos. A respirar mundo. A aprender outro modo de ver e de entender a vida.
Que non é pouco. Bo vento!

TRAVESÍA, de Aude Picault 
Editorial Sins Entido

Comentarios

  1. E se o ledes e non vos gusta, devolvo os cartos!... menos aos de Vilalonga, que tendes este librako solteiro e dispoñible seducíndovos desde o estante dos cómics, na biblioteca.

    ResponderEliminar
  2. Sandra22/5/12

    Ten moi boa pinta e é certo moitos cómics leénse no que dura un telediario e aportan tanto coma un libro.Son divertidos, diferentes. Eu apúntome a ler este que nos recomendas!!

    ResponderEliminar
  3. Algúns, aínda non tendo cor, logran entrar polos ollos. É o caso deste. Boa travesía!

    ResponderEliminar
  4. Eu xa me enganchei nesta travesía e non podo parar de ler. É un pouco de aire fresco na rutina diaria que nos toca vivir.
    Grazas Miguel pola recomendación!

    ResponderEliminar
  5. marisa1/6/12

    Pois eu creo que vou a ver se o topo por algunha estantería tamén aínda que non sexa na biblioteca de Vilalonga, sobre todo pola recomendación que dás Miguel, logo xa che contarei...pero e que tal como o contas parece que tén boa pinta.

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d