Saltar ao contido principal

Preguntas que ¿nunca? te fixeches

De pequeno íanme as preguntas curiosas. Encantábanme este tipo de libros. E había tempo que non me reatopaba con un así. Foi remexendo un pouco na biblioteca do instituto, en Vilalonga. Escollino, abrín polo medio, e atopeime preguntas boísimas... Algunhas coñecidas e outras non. Así que secuestreino, e xa na casa sometino a interrogatorio. E alí, lendo e rindo a partes iguais, entendín que o que fai grande a estas preguntas, é precisamente o curiosa e cínica que soe ser a resposta. Como a Historia. Como a Vida.


O "Y" é realmente grego? 
Por que calzo un 42 se os meus pes non miden 42 centímetros? 
Por que se regalan ovos na Pascua? 
Que país é o único do mundo que non pon o seu nome nos selos de correos?
Por que non houbo día 5 de outubro de 1582 nalgúns países?
 Por que no teclado as letras non están por orde alfabética? 
Que significa en realidade BMW?
Por que o maillot amarelo do Tour de Francia é amarelo?
De onde vén o nome do osiño Teddy?
Como é que o símbolo do dólar é unha S e non unha D?
Por que do, re, mi, fa, sol, la, si... se chaman así?

TODAS AS RESPOSTAS ÁS PREGUNTAS QUE NUNCA TE FIXECHES
MÁIS RESPOSTAS ÁS PREGUNTAS QUE NUNCA TE FIXECHES
Philippe Nessmann e Nathalie Choux

Comentarios

  1. Sandra23/11/11

    jajajaja! qué bo!!! pídomo para este Nadal!!!

    ResponderEliminar
  2. O do símbolo do dólar non é só unha boa pregunta, tamén ten unha interesantísima resposta, e senon que llo digan ao que estaba sentado ao meu lado cando o señor Lopo nos explicou esto na clase, Candela non salía do seu asombro.

    :)

    ResponderEliminar
  3. Podo dicirvos que a resposta á pregunta do dólar, en efecto, é das miñas favoritas, como apunta Candela. Pero como esa de sorprendentes, polo menos unhas vinte. Xa vedes que con este libro podedes adiantarvos ao Señor Lopo e aos tempos da universidade!

    Sandra, son dous libros! Tes para Nadal e Reis.

    ResponderEliminar
  4. Elvira25/11/11

    Relacionado con esto unha curiosidade que non sei se ven nese libro e que Teresa de Xesús, que morreu o 4 de outubro de 1582 foi enterrada o día 15 do mesmo mes, ainda que en realidade era o día seguinte.

    ResponderEliminar
  5. Ola Elvira. Pois aínda que non menciona o caso de Santa Teresa, si que explica moi ben o que pasou nese ano para que de golpe desapareceran varios días do almanaque nese ano de 1582. E é que como di a contraportada, este é un libro para "coller nas patacas" a pais e profes...

    ResponderEliminar
  6. Falamos de tantas cousas e creemos saber tanto, que preguntas sobre temas tratados cotidianamente somos imposibles de responder.
    Asi é o ser humano, o que sabe, sabeo pero non sabe porque o sabe. jeje

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d