Saltar ao contido principal

Tras a tormenta... Calma (Amélie)

Que razón tiñades: que dura é a Selectividade! Creo que quedei tan canso acompañando, como cando fun facer os meus exames. Pero o reto pasou, e agora só queda esperar polos resultados. Bueno, iso a vós. Porque eu apunteime (de bo grado) a outra maratón, e un día despois, 106 exames de Xeografía de Selectividade esperan impacientes o seu turno de corrección sobre a miña mesa.

Nunca traballo con música, e menos se teño que corrixir. Pero antes de coller o bolígrafo vermello, sempre trato de sentirme positivo e en calma. E moitas veces consígoo cuns minutos de música tranquila e optimista. Desa que invita a pechar os ollos para regalarche o mundo que soñas.


Para este propósito, unha das miñas favoritas é a música de Amélie. Esa rapaza de mirada intelixente, travesa e alegre, que un día decidiu que a súa vida só tería sentido se a destinaba a mellorar a vida dos demais. Amélie é unha peli (máis, AQUÍ) dunha beleza tan rara e potente que, lonxe de colocar, descolócate. Mentres dura, non podes deixar de sorrir, abrumado ante a súa orixinalidade. Cando remata, non podes deixar de recordala. Gustaríache poder ter a Amélie preto. Ou mellor aínda, ter un pouco de Amélie. Algúns dos temas da súa banda sonora, serviranme estes días para lograr o punto exacto de ánimo antes de sentarme a corrixir. Podedes escoitalas facendo clic sobre cada unha das dúas imaxes desta entrada. A primeira, un piano fermosísimo. A segunda, toda a alegría vital da película. 


A vós, desexo que vos guste... E a eles, como a todos os examinados, por suposto, moita sorte.

Comentarios

  1. Martinha12/6/11

    "Elle va change ta vie.."

    Fai bastante tempo que non viña por aquí... e... sabes qué sorriso cando abro isto e me atopo con Amélie? :)

    A peli é xenial.. e a banda sonora.. qué vou
    decir eu.. "Son tiempos difíciles para los soñadores", pero cada vez q a toco ou a escoito... Sí, certamente "invita a pechar os ollos para regalarche o mundo que soñas".



    Desde que me pasen estes días de agobio terei que ler todo o atrasado, pois hoxe xa nn teño tempo a máis.. e tamén me gusta dosificar algo as "moedas"... Gracias por cada unha delas ;)

    ResponderEliminar
  2. Nerea12/6/11

    Paz, tranquilidade, enerxía positiva, ... podería seguir así nomeando todo o que me transmiten esas bandas sonoras pero ti dixéchelo moi ben no título CALMA.
    Encántaronme as cancións e na época que estamos (polo menos eu) agradécese a calma e a tranquilidade!
    Sen dúbida Amelie unha película para sorrir, pero non dende un punto de vista cómico se non de felicidade!

    ResponderEliminar
  3. Miriam12/6/11

    Ohh!realmente preciosas...deixaronme sen palabras. Certamente transmiten tranquilidade, algo que se precisa (e moito)estes días.
    Creo que estou na obriga de darche as gracias por poñer este tipo de cancións e xustamente ahora, que polo menos eu é cando máis as necesito. Gracias!

    ResponderEliminar
  4. Grazas a vós, por vir recoller as "moedas". É un pracer compartilas.
    Miriam: se che gusta a música, a película é un valor seguro!
    Marta: hai algún comentario por aí, recente, no que te mencionamos! A ver se o atopas!

    ResponderEliminar
  5. Nerea15/6/11

    Por certo sabedes dalgunha outra peli da mesma temática ou moi parecida a de Amelie?
    é que me encantou e despois de unha época de agobio non ven nada mal! Grazas :)

    ResponderEliminar
  6. É que Amélie é única... E iso é o mellor que ten!
    Viches "Gran Torino"?

    ResponderEliminar
  7. Anónimo15/6/11

    Eu hoxe mesmo alugo "Amélie" no vídeo clube,encántame a calma da súa banda sonora.De feito,hoxe estou algo estresada e "enfurruñada" e púxena no ordenador e relaxoume.Qué paz!
    Nerea,seguramente tamén che guste : "La vida es bella",é triste,pero moi bonita,gañou un Oscar.E a que di Miguel "Gran Torino" é impresionante,moi emocionante.Gústavos seguro.
    Noraboa Miguel,tódolos días entro neste blog para ver con que nova entrada nos sorprendes e ensinas.Grazas!!Sandra.

    ResponderEliminar
  8. Anónimo16/6/11

    Eu digo o mesmo ca Marta...
    Nada mellor ca ela para recordarche que hai que facerlle ben ó mundo. E por moito que algúns pensen que é unha ''francesada empalagosa''(dise o pecado pero non o pecador,jaja), a min Amélie tamén me cambiou a vida!
    Eu, ademais da música,quédome cos valores que a min me inculcou. Indirectamente Amélie convenceume a través das súas esceas que se debe ser como cada un é e non como a sociedade che manda ser.

    PD: esperemos que os demais correctores escoitasen tamén moita música para relaxarse antes de agarralo bolígrafo...jeje

    ResponderEliminar
  9. Anónimo16/6/11

    PD2: a Alba R. non lle funciona o de poñer ''Nombre/URL'' :(

    ResponderEliminar
  10. LucíaE16/6/11

    Xa oín que existía esta entrada nun blog, e penso que necesito comentar :)
    Que eu vise Amélie surxiu de que tiña que tocar unha canción dela, e entón para meterme en ambiente, recomendaronma.
    En poucas palabras, é destas películas que hai que ver...e destas películas que cando a rematas, quedas cunha sensación de plenitude dentro de ti que che fai pensar o feliz que eres sento TI mesmo. É xenial ;)

    ResponderEliminar
  11. Alba R: é que a diferenza, é o que nos fai ricos. Se o pensamos, dá un pouco igual ao que apliquemos: cor, lingua, libro, peli, cultura, destino, físico, paisaxe... Xa o dicía a Xeografía de 2ºBAC: Diversidade!!!!

    Lucía E: oxalá descubramos aquí unhas cantas pelis máis coma esta. Con tres ou catro, amañaríamos o mundo! Que canción de Amélie foi a que tiveche que tocar?

    ResponderEliminar
  12. Nerea17/6/11

    Grazas Sandra pola recomendación! Dende que a vexa xa comentarei de novo para dar a miña impresión!!!

    ResponderEliminar
  13. LucíaE17/6/11

    Pois foi a da Redécouverte:)

    ResponderEliminar
  14. Redécouverte, para todos vós:
    http://www.youtube.com/watch?v=rHKuyqB0Knw

    ResponderEliminar
  15. Marcela20/6/11

    Ola, vino comentario de Nerea e gustaríame recomendar unha das pelis que se quedaron na miña memoria, desas que non lembras os actores as bso nin o tempo ou espacio, simplemente a idea..hai moitísimo tempo que a vin polo que non vos aseguro que sexa boa pero sí a esencia. Pay it forward, en castelán Cadena de favores. Espero que a vexades e que despois me contedes;)

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d