Nunca traballo con música, e menos se teño que corrixir. Pero antes de coller o bolígrafo vermello, sempre trato de sentirme positivo e en calma. E moitas veces consígoo cuns minutos de música tranquila e optimista. Desa que invita a pechar os ollos para regalarche o mundo que soñas.
Para este propósito, unha das miñas favoritas é a música de Amélie. Esa rapaza de mirada intelixente, travesa e alegre, que un día decidiu que a súa vida só tería sentido se a destinaba a mellorar a vida dos demais. Amélie é unha peli (máis, AQUÍ) dunha beleza tan rara e potente que, lonxe de colocar, descolócate. Mentres dura, non podes deixar de sorrir, abrumado ante a súa orixinalidade. Cando remata, non podes deixar de recordala. Gustaríache poder ter a Amélie preto. Ou mellor aínda, ter un pouco de Amélie. Algúns dos temas da súa banda sonora, serviranme estes días para lograr o punto exacto de ánimo antes de sentarme a corrixir. Podedes escoitalas facendo clic sobre cada unha das dúas imaxes desta entrada. A primeira, un piano fermosísimo. A segunda, toda a alegría vital da película.
A vós, desexo que vos guste... E a eles, como a todos os examinados, por suposto, moita sorte.
"Elle va change ta vie.."
ResponderEliminarFai bastante tempo que non viña por aquí... e... sabes qué sorriso cando abro isto e me atopo con Amélie? :)
A peli é xenial.. e a banda sonora.. qué vou
decir eu.. "Son tiempos difíciles para los soñadores", pero cada vez q a toco ou a escoito... Sí, certamente "invita a pechar os ollos para regalarche o mundo que soñas".
Desde que me pasen estes días de agobio terei que ler todo o atrasado, pois hoxe xa nn teño tempo a máis.. e tamén me gusta dosificar algo as "moedas"... Gracias por cada unha delas ;)
Paz, tranquilidade, enerxía positiva, ... podería seguir así nomeando todo o que me transmiten esas bandas sonoras pero ti dixéchelo moi ben no título CALMA.
ResponderEliminarEncántaronme as cancións e na época que estamos (polo menos eu) agradécese a calma e a tranquilidade!
Sen dúbida Amelie unha película para sorrir, pero non dende un punto de vista cómico se non de felicidade!
Ohh!realmente preciosas...deixaronme sen palabras. Certamente transmiten tranquilidade, algo que se precisa (e moito)estes días.
ResponderEliminarCreo que estou na obriga de darche as gracias por poñer este tipo de cancións e xustamente ahora, que polo menos eu é cando máis as necesito. Gracias!
Grazas a vós, por vir recoller as "moedas". É un pracer compartilas.
ResponderEliminarMiriam: se che gusta a música, a película é un valor seguro!
Marta: hai algún comentario por aí, recente, no que te mencionamos! A ver se o atopas!
Por certo sabedes dalgunha outra peli da mesma temática ou moi parecida a de Amelie?
ResponderEliminaré que me encantou e despois de unha época de agobio non ven nada mal! Grazas :)
É que Amélie é única... E iso é o mellor que ten!
ResponderEliminarViches "Gran Torino"?
Eu hoxe mesmo alugo "Amélie" no vídeo clube,encántame a calma da súa banda sonora.De feito,hoxe estou algo estresada e "enfurruñada" e púxena no ordenador e relaxoume.Qué paz!
ResponderEliminarNerea,seguramente tamén che guste : "La vida es bella",é triste,pero moi bonita,gañou un Oscar.E a que di Miguel "Gran Torino" é impresionante,moi emocionante.Gústavos seguro.
Noraboa Miguel,tódolos días entro neste blog para ver con que nova entrada nos sorprendes e ensinas.Grazas!!Sandra.
Eu digo o mesmo ca Marta...
ResponderEliminarNada mellor ca ela para recordarche que hai que facerlle ben ó mundo. E por moito que algúns pensen que é unha ''francesada empalagosa''(dise o pecado pero non o pecador,jaja), a min Amélie tamén me cambiou a vida!
Eu, ademais da música,quédome cos valores que a min me inculcou. Indirectamente Amélie convenceume a través das súas esceas que se debe ser como cada un é e non como a sociedade che manda ser.
PD: esperemos que os demais correctores escoitasen tamén moita música para relaxarse antes de agarralo bolígrafo...jeje
PD2: a Alba R. non lle funciona o de poñer ''Nombre/URL'' :(
ResponderEliminarXa oín que existía esta entrada nun blog, e penso que necesito comentar :)
ResponderEliminarQue eu vise Amélie surxiu de que tiña que tocar unha canción dela, e entón para meterme en ambiente, recomendaronma.
En poucas palabras, é destas películas que hai que ver...e destas películas que cando a rematas, quedas cunha sensación de plenitude dentro de ti que che fai pensar o feliz que eres sento TI mesmo. É xenial ;)
Alba R: é que a diferenza, é o que nos fai ricos. Se o pensamos, dá un pouco igual ao que apliquemos: cor, lingua, libro, peli, cultura, destino, físico, paisaxe... Xa o dicía a Xeografía de 2ºBAC: Diversidade!!!!
ResponderEliminarLucía E: oxalá descubramos aquí unhas cantas pelis máis coma esta. Con tres ou catro, amañaríamos o mundo! Que canción de Amélie foi a que tiveche que tocar?
Grazas Sandra pola recomendación! Dende que a vexa xa comentarei de novo para dar a miña impresión!!!
ResponderEliminarPois foi a da Redécouverte:)
ResponderEliminarRedécouverte, para todos vós:
ResponderEliminarhttp://www.youtube.com/watch?v=rHKuyqB0Knw
Ola, vino comentario de Nerea e gustaríame recomendar unha das pelis que se quedaron na miña memoria, desas que non lembras os actores as bso nin o tempo ou espacio, simplemente a idea..hai moitísimo tempo que a vin polo que non vos aseguro que sexa boa pero sí a esencia. Pay it forward, en castelán Cadena de favores. Espero que a vexades e que despois me contedes;)
ResponderEliminar