Saltar ao contido principal

A impresionante secuencia do Faro de La Jument

Que se ve na foto? So un faro...? Fixádevos ben.







Unha das cousas que máis me sorprendeu ao empezar a estudar a carreira, foi... un posto de venda de carteis que ía itinerando por todo o campus, de facultade en facultade. Carteis ENORMES, relacionados con cine, música, cidades, paisaxes, fotografía... e que viñan xeniais para personalizar as frías paredes da nova habitación. Coma esa que moitos teredes, a partir de setembro.

Tívenos de música, de cine e ata de vacas (xa sabedes, a cabra tira ao monte). Pero ningún me impresionou nunca tanto coma este. Refírome á incrible fotografía dun fareiro en plena tempestade, a punto de ser tragado polo océano. Era o 21 de decembro de 1989, cando o Photoshop aínda non existía. Unha tormenta incrible no Atlántico golpeaba o Faro de la Jument, na Bretaña francesa, unha das áreas do mundo máis castigadas polas tempestades.


O mar golpeaba con forza o faro e as enormes ondas romperan xa as ventanas do primeiro piso. O fareiro comezaba a asustarse. O fotógrafo, Jean Guichard, que traballaba nunha colección de fotos de faros, decidiu achegarse en helicóptero para retratalo todo. Ao velo aproximarse, o fareiro pensou que viñan rescatalo, e apresurouse a saír á porta, xusto no momento no que unha onda xigante empezaba a envolver o faro por detrás. E entón... clicade na foto para ver a secuencia do que pasou...

Comentarios

  1. elvira27/6/11

    Impresionante

    ResponderEliminar
  2. Paula27/6/11

    Hola Miguel, unha foto impresionante,nunca a vira.

    Por certo, gustaríame que si puideras me pasaras unha lista de libros para leer polo verán,xa que comprei tres xusto ao acabar o curso, e xa os terminei. Se podes mandama o meu correo
    " paulamuriassobrado@hotmail ". Por que esta semana non sei si vou poder ir polo instituto, maña o mellor si pero a primeira hora.

    Graciñas

    ResponderEliminar
  3. a min tamén me impresionou moito esta foto, fai pouco tempo que a vín e deixoume fascinada, por certo, ainda me lembrei este domingo, e tiven a punto de falarche dela, e ahora cando a vín quedei sorprendida, temos telepatía Miguel. Un bico

    ResponderEliminar
  4. Elvira: quen nos vería correr se estamos aí.

    Paula: iso está feito!

    Mlp: temos telepatía... e algúns xenes en común, que seguro que tamén conta algo...

    ResponderEliminar
  5. Sandra29/6/11

    Qué imaxes tan impresionantes!!!teños os pelos de punta!!sempre me gustaron os faros,pero o mesmo tempo teño unha sensación extraña,coma de respeto e o ver estas fotos aínda máis.Qué medo!!agardo que o fareiro saíse con vida desa tempestade,o caso e que na última foto ata parece que está coas mans no bolsillo!!

    ResponderEliminar
  6. Sandra29/6/11

    Por certo,gustoume moito o detalle de poñer o mapa para situarnos xusto no lugar dos feitos.
    E eu tamén me lembro deses pósters dos que falas.No primeiro ano de carreira e na súa primeira semana en Santiago,o meu irmán viu eses pósters dos que falas,encontrou un en branco e negro,chulísimo,do meu grupo preferido e troúxomo.Quedei coa boca aberta cando o vin!Directo para a parede da miña habitación.O que quizais no saiba o meu irmán e que aínda conservo ese gran póster que tanta ilusión me fizo naquel tempo e que aínda agora gardo con moito cariño. :-)

    ResponderEliminar
  7. A verdade é que tes un irmán moi molón! Rosma un pouco, pero mola.

    ResponderEliminar
  8. elvira1/7/11

    Eu non correria porque xa estaría morta do susto!!!

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d