Saltar ao contido principal

Unha peli... criminal


Un filme curiosísimo, que engancha desde o principio. Un gentleman británico que escribe novelas de intriga de éxito. Un xoven e elegante italiano que se está beneficiando á esposa do anterior, aínda que non ten cartos para mantela. E unha mansión incrible que semella un tétrico museo de bonecos e figuras do máis estravagantes. Con só estes ingredientes, cocíñase a trama: eliminar as diferenzas que os separan, por medio dun plan que os beneficie a ambos. Cando o plan se pon en marcha, este evoluciona dun xeito tal que nunca saberedes moi ben cal dos dous está sendo o intelixente e cal o primo... La huella, foi estreada en 1972. Nótase o tempo, pero a historia que narra é intemporal e moi brillante. Preparade flocos de millo, acomodádevos, e intentade ir por diante deles na trama, se é que sodes capaces...

Comentarios

  1. Un peli sen palabras.
    Pero onde me gustaria sabes a tua opinion e no documental Zeitgeist Moving Forward de Peter Joseph que abarca critica e novas alternativas ao sistema financiero, politico, social, na forma da cidade, etc.
    Se queres podo pasarcho no pen ou se prefires podelo atopar en youtube concretamente neste enlace:

    www.youtube.com/watch?v=5aLGFZDiwRs

    Teno gran entusiasmo na tua opinion, e creo que che vai interesar.

    ResponderEliminar
  2. Hoxe mesmo, véxoo!
    O enlace de youtube vaime perfecto.
    O luns, como moito, compartimos opinións... con permiso do barqueiro.

    ResponderEliminar
  3. Rebeca8/6/18

    Acabas de suxerirme unha película que seguramente vexa este verán, porque encántame este xénero. Eu recoméndoche as series de "Poirot" e "Miss Marple" de Agatha Christie, podes atopalas en Paramount Channel.

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d