Saltar ao contido principal

Publicidade Intelixente

Non hai nada como tirar da creatividade para sorprender, chegar aos demais, e facer algo difícil de esquecer. Polo menos para ti, que podes lembrarte das cousas...


Vino hoxe mesmo, e encantoume por varias razóns. Primeiro, porque non sabes que che van anunciar nada. Segundo, porque logran descolocarte e sacarte do teu papel. Terceiro, porque ninguén se pon pesado contigo, simplemente déixanche a súa mensaxe nunha pequena tarxeta de visita. Cuarto, porque esta tarxeta remite a unha web na que che ofrecen regalar.... memoria! (que ía ser, senón?). E quinto, porque logra que te vexas no lugar, aínda que só sexa por uns segundos, dunha persoa que padece alzheimer. Por certo, coñecedes o cómic "Arrugas"? Outro día, se vos apetece, falareivos del.

Comentarios

  1. Martinha17/5/11

    Eu vino fai uns días.. non estaba atendendendo á tele (como a maior parte das veces..) pero de repente quedeime mirando para isto porque logrou captar a miña atención!

    Por certo, moitas felicidades polo blog Miguel.. encántame Moedas para Caronte :)

    ResponderEliminar
  2. Impresiona moito.Eu sí lin "Arrugas",recoméndovolo a tod@s,ten razón o anuncio: o alzheimer non debe esquecerse.Vou visitar a páxina que anuncian,seguro que merece a pena.

    ResponderEliminar
  3. Unha vez, indo só no coche, cheguei a unha pequena aldea de montaña. As casas estaban moi xuntas e as rúas eran estreitas, e non lograba atopar unha saída. Vin a unha señora maior sentada nun banco de pedra, á porta do que parecía a súa casa. Baixei a ventá e pedinlle por favor se me podía indicar por onde saír. A señora achegouse, apoiouse despaciño no marco da ventá e pasoume a man pola cara. Nin se inmutou ante a miña sorpresa. Parecía ver algo máis. Sorriu docemente e preguntoume como estaba. Nunca a vira antes. Pero quedoume gravada a súa mirada: tiña a estraña felicidade do que non entende o significado das cousas.
    Grazas Marta! Grazas sm! Alégrame atoparvos aquí.

    ResponderEliminar
  4. Nerea 1º BAC1/6/11

    Encántoume o vídeo,nunca sabemos o que sinte unha persoa se non nos poñemos na súa pel!
    Eu tamén vou visitar a páxina web!

    ResponderEliminar
  5. Ola Nerea. Ata a publicidade pode ser creativa. Non hai nada como unha boa idea! Benvida!

    ResponderEliminar
  6. Rebeca8/6/18

    Este vídeo fíxome lembrar a sensación de angustia cando un reencóntrase cun amigo/a de hai tempo e esa persoa esquecérase de ti e teñes que intentar que se lembre.

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d