A Guerra é enfrontamento, pero as armas non teñen por que ser de fogo... As armas poden ser as ideas, un teléfono pinchado, deportistas que arrasan nas olimpíadas, astronautas que chegan primeiro, películas que demonizan ao adversario en calquera cine do mundo... E incluso Bichos. Cando todo un país depende dun cultivo, non hai nada tan temible como unha boa praga de bichos.
Bicho vai!!!!
.jpg)
O goberno da RDA encheu a prensa coa noticia: avións estadounidenses aproveitaban os seus voos a Berlín para descargar pragas de escaravellos da pataca sobre os cultivos da Alemaña comunista. Non podía haber nada máis rastreiro... Rapidamente montouse toda unha propaganda a base de carteis e láminas sobre os ataques masivos con Ami-Kafer. Que traducido viría a ser algo así como os escaravellos ianquis.
Ollo ao cartel!
Só lles faltan cascos e botas militares!
Durante días, a caza de escaravellos volveuse asunto de estado. Os rapaces saían da escola armados con latas e vidros, e metíanse durante horas entre os cultivos na procura de insectos ou das súas larvas. As pragas están documentadas, e era corrente que as houbese, pois non había pesticidas nin medios suficientes para evitalas. Pero o certo é que nunca se soubo se fora unha trola propagandística dos comunistas para demonizar ao inimigo, ou en verdade chegara a existir un ataque real.
Guerra Fría. Así se chamou á tensa rivalidade entre a URSS e EEUU (e os seus respectivos bloques de países aliados), unha vez que deron eliminado ao inimigo que os xuntara: os nazis. Desde aquel 1945 en que finalizou a Segunda Guerra Mundial ata a disolución de URSS en 1991, a tensión entre ambos países chegou a ser tan extrema que moitas veces estivemos a punto dunha Terceira Guerra Mundial. Pero por medo ás consecuencias, a tensión sempre arrefriaba e a guerra nunca chegou a estoupar. De aí precisamente o nome.
Na Guerra Fría,
tanto podía valer un bo bicho como unha boa mentira.
Guerra Fría. Así se chamou á tensa rivalidade entre a URSS e EEUU (e os seus respectivos bloques de países aliados), unha vez que deron eliminado ao inimigo que os xuntara: os nazis. Desde aquel 1945 en que finalizou a Segunda Guerra Mundial ata a disolución de URSS en 1991, a tensión entre ambos países chegou a ser tan extrema que moitas veces estivemos a punto dunha Terceira Guerra Mundial. Pero por medo ás consecuencias, a tensión sempre arrefriaba e a guerra nunca chegou a estoupar. De aí precisamente o nome.
Unha guerra tan ridícula e chea de mentiras coma todas.
Pero orixinal e delirante como ningunha.
Comentarios
Publicar un comentario
Grazas por comentar!