Saltar ao contido principal

Violencia sutil

Onte foi o día escollido pola ONU para que o mundo clamase a unha soa voz contra a violencia machista. E si, é unha boa oportunidade para facer exactamente iso: responder, enfrontar, berrar un Non firme, contundente e enérxico contra ese tipo concreto de violencia. Pero obviamente, o problema vai requerir moito máis compromiso por parte de todos. Compromiso de verdade: dicir Non, rebelarse como se nolo fixeran a nós, e non mirar para outro lado cando nos toque vivir ou presenciar algo diso que onte a todos nos parecía tan intolerable.



Porque se non actuamos cando nos toca vivilo ou presencialo, daquela, o día de onte non servirá para nada máis que para compartir un hashtag, unha foto, ou unha frase feita no frío muro dunha rede social. E nese aspecto, no de implicarnos, creo que nos falta a todos un pouco máis de determinación, por exemplo increpando ao agresor, ou dirixíndonos á vítima para ofrecerlle a nosa axuda, ou se cadra usando o teléfono para avisar á policía. Porque é precisamente a impunidade, a ausencia dunha reacción áxil e contundente, un dos maiores aliados desta violencia.

E non esquezades que isto non vai só de asasinatos ou agresións físicas. Estas son só as formas máis evidentes e repulsivas. Pero non. A violencia de sexo non sucede só cando morre unha muller. Comeza moito antes, porque hai moitas outras sutiles formas de facer violencia machista.
E ti? Saberías recoñecelas?


Por último, non podo deixar pasar a oportunidade de compartir algún dos moi bos traballos que coñecín estes días sobre o tema. Este, de El País é un deles. Facede clic, e mirade, descubride, investigade. Porque a información é poder. 

http://elpais.com/especiales/2015/violencia-de-genero/

Comentarios

  1. Falando todos sobre o tema nunha das clases de hoxe, xerouse moito interese cando mencionamos o contido deste experimento sociolóxico que viu a luz hai moi poucos días. Para os que vos quedastes con ganas de velo, aquí vos queda a ligazón. Espero que vos axude a sacar conclusións:
    https://www.youtube.com/watch?v=y6v5IVkIPvM

    ResponderEliminar
  2. Anónimo28/11/15

    Penso que hai unha pregunta que a gran maioría nos facemos: " ata cando?!!". Eu tamèn digo: NON A VIOLENCIA DE XÈNERO!!. Non a ningún tipo de violencia!! Bravo Miguel por sumarte e aportar esta moeda tan importante. Todos debemos axudar. S.

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d