Saltar ao contido principal

Concurso Galicia en Foto (III)

Como cada mes toca concurso! E como nas dúas edicións anteriores houbo que ir ao sorteo, desta vez procurei ir un pouco máis aló e complicalo un chisco reducindo o encadre da fotografía. Eliminamos paisaxe e comezamos a centrarnos no detalle. Credes que daredes acertado? Iso espero!!!

Gaña quen acerte onde está e ademais explique que é o que se ve na fotografía.


Lémbrovos que pode participar todo o mundo! Alumnos, antigos alumnos, seguidores, amigos, nais, pais, profes, coñecidos e descoñecidos... O único requisito é querer xogar, e de paso optar a un premio-recordo con alma (ou iso intento!). A solución enviarédela facendo clic na parte superior do blog, onde di "INFO", e dentro diso en "CONTACTO". Unha vez aí non tedes máis que escribir nome, email e a vosa resposta completa! Así chegará a min sen que outros poidan vela.

O PRAZO PARA CONCURSAR REMATA ÁS 18.00 HORAS DO DOMINGO 21
PUBLICAREI TODAS AS RESPOSTAS E O GAÑADOR AQUÍ ESA MESMA NOITE


...DESTA VEZ COSTOU, PERO HAI ACERTANTES!!!
O lugar que vedes é do máis curioso e especial que poidades atopar. Chámasa Santa Olalla (Eulalia, en castelán) de Bóveda, a uns 14 quilómetros da cidade de Lugo e foi un templo romano construído para o culto á deusa Cibeles, que logo se cristianizou poñendo unha igrexa enriba. 
Por iso, cando un chega, en principio, non parece haber nada raro:


Ata que, xa aos pés da igrexa, un pode descubrir a estraña marabilla que alí permanece agochada:





Cibeles era a deusa que representaba á fertilidade da terra, a natureza, os animais e a vida. 
Un dos ritos que se lle facían era o taurobolio, que probablemente se levaría a cabo aquí. Colleríase un touro e sacrificaríase na planta superior, sobre un enrellado que comunicaría coa planta inferior. O seu sangue caería no andar inferior, sobre a persoa que desexaba recibir esta especie de bautismo de sangue. 
Imaxinades o espectáculo?


Se estades preto de Lugo non o perdades!


...E XA TEMOS GAÑADORA!

Se na segunda edición do concurso había 18 respostas correctas, desta vez só 3! 
E destas 3 tivemos que eliminar a de Javi, xa que mencionaba o nome pero non concretaba ningunha explicación do edificio. Así que a cousa quedou finalmente entre só dúas opcións. 

E feito o sorteo entre as acertantes, a gañadora é... 
TAN-TA-TA-CHÁN!




PARABÉNS CRIS E MARCELA!!!
RECIBIREDES O VOSO PREMIO ESTA SEMANA!



Disfrutando o premio! :)


Grazas pola foto, gañadoras!

Vémonos no seguinte!
Grazas por unirvos a este xogo cómplice cos tesouros de Galicia como escusa!

Comentarios

  1. Eu penso que esa fotografía foi sacada en Santa Eulalia de Bóveda, cidade de Lugo.

    ResponderEliminar
  2. Cris e Marcela22/2/15

    Que sorte! Da a casualidade de que Cris e eu no noso primeiro ano xuntas, realizamos unha viaxe a ese mismo recunchiño. Atópase en Santa Eulalia de Bóveda, e se mal no lembramos, trátase de un templo romano adicado a deusa Cibeles que foi cristianizado posteriormente. Cremos ademais, que tiña dúas plantas, e que nunha delas había como unha piscina onde se realizaban sacrificios.
    Aquí che deixamos con moita ilusión un pedaciño da nosa vaga memoria, unha aperta!

    ResponderEliminar
  3. Alba Rodríguez22/2/15

    SANTA EULALIA DE BÓVEDA.

    Este pequeno templo de estilo tardorromano atópase no pobo de Santalla de Bóveda de Mera, a uns 14 quilómetros da cidade de Lugo, e, aínda que orixinariamente foi construido para o culto pagano á deusa Cibeles, logo cristianizouse e dedicouse a Santa Eulalia Mártir, como indica o seu nome.
    Na foto observamos unha vista interior do templo, cunha columna de mármore en primeiro plano, na que destacan as erosionadas volutas do capitel. Máis atrás, vemos un arco de medio punto que fai de entrada ó ábside, no que se abre unha porta para subir o piso superior do templo, hoxe desaparecido.
    Ademais, chaman á atención os coloridos frescos pintados sobre bóveda de canón que cubría templo antes de que se derruíra a parte superior da mesma. Atopamos pavos reais, gansos e outras aves; motivos florais; e nos laterais da bóveda, tamén deseños xeométricos a partir dos anteriores motivos florais.
    Tamén podemos destacar a cor verde da parte inferior das paredes, que denota a humidade do templo e as posibles consecuencias de conservación que esta supón.

    ResponderEliminar
  4. Dá gusto ler as vosas respostas. Dá gusto poder contar con vós. Gustaríame premiarvos aos catro, pero como nas outras edicións só pode haber un premio. Espero estar á altura con el!

    Apertas moi fortes!

    ResponderEliminar
  5. Vitoria23/2/15

    É un sitio único, moito máis único que calquer outro sitio único que poidades visitar, porque non hai outro edificio destas características en todo o occiente europeo!!!!
    Cheguei tarde para participar pero alégrome polas gañadoras!
    Saúdos e ata a próxima foto.

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d