Imaxina que ti e os teus amigos tedes desde hai anos un mesmo ídolo musical. Conservades como ouro en pano o par de discos que este publicou (pirateados, pois non había forma de dar con eles), sabedes as cancións de pe a pa, incluso as empregades como himno á hora de protestar contra as inxustizas ou de reclamar un país mellor... pero non sabedes nada del. Non houbo máis discos. Nunca apareceu. Nunca o visteis. Non se coñece de onde é. Nin sequera se segue vivo. Como pode ser posible que alguén que vos deu tanto coa súa música desaparecese sen deixar rastro?
Hai quen di que morreu. Incluso que se suicidou nun escenario tras comprobar que o público se estaba a rir del. Ata que un día, movidos pola esperanza de que sexa mentira, ou pola ilusión de facerlle xustiza á súa música ou pola curiosidade de saber que pasou realmente con el, decidides empezar a buscalo. O imaxinades? Pode. Pero o que nin de broma poderiades imaxinar é o que íades atopar...
Hai quen di que morreu. Incluso que se suicidou nun escenario tras comprobar que o público se estaba a rir del. Ata que un día, movidos pola esperanza de que sexa mentira, ou pola ilusión de facerlle xustiza á súa música ou pola curiosidade de saber que pasou realmente con el, decidides empezar a buscalo. O imaxinades? Pode. Pero o que nin de broma poderiades imaxinar é o que íades atopar...
Clic na imaxe para ver o tráiler.
Hai historias que o teñen todo. Aquí hai unha historia tan potente que non importa que sexa un documental. Non importa que pareza un musical. Non importa que sexa sobre un artista descoñecido. Esta historia é tan incrible, tan orixinal, tan (in)xusta e tan grande, que se come a pantalla a bocados. Empezas e veste atrapado pola súa música, polas preguntas sen resposta e polas ganas de saber que demo pasou para que este home non atopase o recoñecemento que todos din que merecía. E así vas, collido da man, durante pouco máis dunha hora, da curiosidade á tensión, á esperanza, á sorpresa e ata un final apoteósico, do que, dalgunha maneira, tamén ti te sentes parte...
Acabas, e entendes perfectamente cal é o significado da palabra éxito.
Nin fama, nin renome, nin cartos... éxito é saber comprender a vida como a comprendeu Rodríguez.
Con razón todos querían atopalo...
No mundo probablemente hai moi pouca xente como Rodríguez, moi poucas historias como esta...
ResponderEliminarQue viva a curiosidade que sempre nos fai seguir un pasiño máis, e que vivan estes descubrimentos!
E despois de buscalo... non podo deixar de escoitalo!
ResponderEliminar