A natureza pode facer cousas incribles. As pedras cabaleiras son un deses prodixios. Trátase de enormes bolas de granito que se sosteñen sobre un base diminuta, ofrecendo unha gran aparencia de inestabilidade. Esta atópase no concello de Ponteareas, nun dos accesos ao monte da Picaraña. Pasar polo lado dela, en coche ou a pé, dá medo! Pero tranquilos: por algo a chaman A Pedra do Equilibrio.
Disque os monxes do Mosteiro de Canedo sempre intentaban tirala cando pasaban polo lugar. E que lles gustaba demostrar que a pedra se movía poñendo unha botella de vidro encaixada preto da base. Ao día seguinte cando volvían, a botella estaba rota. Iso si, como vedes, a pedra seguía (segue) no sitio.
Probade a pasear por diante dela cun Clic na imaxe.
Impresiona!
Si que impresiona sí! Eu xa pasei algunha vez por aí, e parece que vai caer en calquera momento, parece mentira que leve tanto tempo así. O certo é que cando estás preto dan ganas de pasar correndo e non pararse moito... por se a caso..
ResponderEliminarIso cando estás na pista! Porque se colles o camiño que a rodea e subes á rocha sobre a que está o gran penedo facendo os seus equilibrios, o que de verdade apetece e meterse debaixo, apoiar ben os pés na rocha da base e as mans no penedo que baila no aire, e xogar a ser "O Increíble Hulk". :)
ResponderEliminar