Saltar ao contido principal

Arte en Normandía

Esta é a praia de Arromanches. Bonita, verdade? Chamada en clave "Gold Beach" polos aliados, foi unha das cinco praias nas que tivo lugar o Desembarco de Normandía, na madrugada do 6 de xuño de 1944. Nela vense aínda os restos dos bloques que, levados en barcos-remolque polos aliados, serviron de porto improvisado para desembarcar material durante a famosa invasión.


O pasado día 21, Día Internacional da Paz, ademais de praia e escenario da Historia, tamén se converteu nunha obra de arte. A idea consistía en sementar a praia de siluetas humanas, recreando a imaxe de 9.000 corpos abandonados e tendidos sobre a area


O método foi absolutamente artesanal, natural e limpo. Fixéronse modelos con siluetas en diversas posicións, e despois removíase a area coa axuda de angazos para darlle un ton e aparencia diferente.


Para lograr as 9.000 siluetas, Wardley e Mors, dous artistas británicos, chamaron por 60 voluntarios. Pero o éxito da idea foi tal que máis de 500 persoas acabaron reunidas sobre a praia, pedindo participar. Entre elas había veteranos de guerra e moitos familiares de vítimas caídas aquel día ou na batalla.


As homenaxes non se miden en cartos, senón en sensibilidade. Por iso non fixo falta formigón, nin bloques de granito, nin mamotretos de mal gusto. Ademais non era unha ocorrencia, senón unha idea. A idea artística consistía en que a propia marea, ao subir, acabase engulindo os corpos como símbolo das vidas que se perderon. Como aquel Día D sucedeu. 


The Fallen", Os Caídosnaceu, medrou e morreu en tan só catro horas e media
o tempo que tardou en chegar a marea e levalo todoos corpos, o traballo, as emocións...
Pero nunca a lembranza do que aquelas persoas tiveron que vivir.

Clic na imaxe, para ver e escoitar outra forma de homenaxe
"The Fallen is a reminder of what happens when peace is not present"
Andy Mors, Jamie Wardley

Comentarios

  1. Cristina García, vía Facebook30/9/13

    Q pasada!! Como m gustou esta idea, tanto como representación artística pero máis como recordatorio!!! De novo, xeitos d conocer Historia curiosos cando menos!!! Q gustazo debeu ser estar alí esas horas!! Buah! Case m atrevería a comparalo cun concerto d Bruce!!!

    ResponderEliminar
  2. Pois case se podía levar o concerto de Bruce alí mesmo. O lugar o merece. As vítimas e os artistas o merecen. E 4 horas e media, que é o tempo que tardou en subir a marea e completar a obra, vén a ser o que dura ultimamente un concerto do Boss...

    ResponderEliminar
  3. Moriarty, vía Facebook1/10/13

    En dúas palabras "im presionante" xD

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d