Saltar ao contido principal

Ilusionade a vista

Mirade que pasada. Chámase Anamorfose, e é unha técnica artística que persigue enganar ao ollo humano xerando unha ilusión óptica, pero que só funciona cando ves as cousas desde un lugar concreto. Un exemplo? Que hai aquí? Un chan e un banco pintados?

Pero se isto non ten forma! Parece.... Pero cando o espectador se sitúa nun punto de vista predeterminado... De repente, descubres impresionado que a imaxe pintada no chan cobra volume, forma, proporción... e case vida!







Incrible, verdade? Algo pintado sobre plano, pasa a verse en 3D! E empregando só tizas de cores!
Outro exemplo? Así se vería se non te sitúas no punto correcto:

E agora, o mesmo, pero vendo o chan desde o punto no que está a cámara. O artista, bromeando coa súa obra:



Parece algo moi novo, pero trátase dunha técnica antiga. O Anamorfismo foi empregado xa polos romanos, e reaparece logo no Renacemento!, cando Piero della Francesa e outros artistas do século XV revolucionaron por completo a pintura, grazas á perspectiva: a técnica de debuxar recreando a  profundidade. Coma en tres dimensións. É por iso que hoxe moitos chaman a isto 3D Street Art. Pero en realidade non deixa de ser un magnífico exemplo de Anamorfose actualizada. Non toda a pintura se fai para enmarcar!

Se vos gusta, deixádevos ilusionar polas obras Julian Beever
Quedaredes coa boca aberta.  Clic AQUÍ. 

Comentarios

  1. Asun8/5/13

    Impresionante! Imaxinade ir camiñando tranquilamente pola rúa e atopar de súbito estas obras de arte...

    ResponderEliminar
  2. Tan impresionante, que incluso empeza a empregarse como reclamo publicitario. Capta, Descoloca, Ilusiona, Comunica. Algúns son... espectaculares.

    ResponderEliminar
  3. Mariña8/5/13

    Guau! Que pasada! Temos que facer unha desas pinturas polas rúas de Tui jajaja :D

    ResponderEliminar
  4. Que boa idea, Mariña! :)
    Propoñémolo? Eu creo que, como mínimo, os profes de Plástica e Matemáticas, sumaríanse a nós encantados! E o resto da túa clase... um, a ver, déixame que pense... paréceme a min que tamén!

    ResponderEliminar
  5. Sandra9/5/13

    :-) Xenial! Encantaríame ver estas obras de arte nas rúas!!

    ResponderEliminar
  6. Si señor, Mary Poppins en directo. Encántame

    ResponderEliminar
  7. Vito! Sandra! Alégrame que vos guste a vós tamén. :) Oxalá poidamos atopar pronto algo así por aquí... Necesitamos tanto da imaxinación!

    ResponderEliminar
  8. Mariña14/5/13

    Podiamos propoñelo para fin de curso como actividade! Seguro que quedaba xenial pola Corredoira :D

    ResponderEliminar
  9. Estou contigo Mariña! Seguro que atopamos xente á que lle parece unha magnífica idea.

    Vós ide pensando no deseño, que eu empezo a mover fíos! :)

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d