Saltar ao contido principal

Risk: xogar ao Imperialismo

-Ataco!
Non existe palabra máis agardada no Risk, cando por fin chegan a un os dados.


O Risk é un xogo de mesa dos que dá gusto ter nas mans. Caixa de cartón, un enorme taboleiro despregable, dados e tropas de varias cores, e un único obxectivo: conquistar o mundo. A mecánica é doada: repártense ao azar todos os territorios do mapa entre os xogadores; logo, cada un distribúe os seus soldados neles como lle peta; e finalmente, cada xogador recibe unha carta cun obxectivo que debe manter en segredo. Gaña quen consiga antes o obxectivo que lle tocou en sorte: "Conquistar un continente", "Ocupar 18 territorios", "Invadir dúas illas", "Destruír aos exércitos amarelos"... 

Pero este xogo tamén serve para aprender Historia na clase doutra maneira. Porque se tuneamos os obxectivos adecuadamente, e manipulamos o reparto dos territorios con criterio didáctico, os alumnos poden verse, sen sabelo, reproducindo ao milímetro e coa mesma paixón, o incidente de Fachoda de 1898, cando tropas francesas e británicas se atopan sobre o terreo, en pleno continente africano. Ás veces a Historia repítese, e impóñense os británicos. Outras, os franchutes dan unha bofetada á Historia, e conseguen o seu obxectivo de formar un imperio africano de oeste a leste. E nalgunha ocasión incluso, a partida alóngase, con ambos bandos reforzándose con cabalería e canóns, nunha sorte de Paz Armada. Pero pase o que pase, o Risk sempre logra motivar, permite entender e axuda a recordar... Alguén dá máis?

Comentarios

  1. Eu quero ver o noso vídeo! que para un día que falto á clase! por certo, si que é caro o maldito Risk...

    ResponderEliminar
  2. Anda sobre 35 euros. Iso si, recoméndovos a versión clásica, a de toda a vida (hai edición Star Wars e outras, pero a que de verdade dá xogo é a de sempre). É algo carete (sería un bo regalo), pero qué gloriosas tardes de guerra vos esperan! (ollo: se hai piques, este xogo pode xerar toda unha "Paz Armada" na casa).

    O vídeo estouno editando! Faise algo longo, pero é moi moi gracioso. Especialmente se o poñemos a cámara rápida. Espero subilo pronto. Gio e os demais déronme permiso... senón pixélovos a todos!

    ResponderEliminar
  3. Non non, nada de pixelar, que se nos mire ben as caras de conquistadores principiantes (e de defensor experimentado de Ángel)

    ResponderEliminar
  4. Vésevos moi ben! E sobre todo, rindo moito... Pena que a clase non dera tempo a ver como remataba todo, porque as risas, os piques e o número de soldados sobre o taboleiro ían cada vez a máis...

    Non entendo moito de edición de vídeo e resísteseme algo, pero estoume rindo moito mentres edito. Queda menos!

    ResponderEliminar
  5. jajaja sen prisa, a verdade é que as clases fanse curtas para este tipo de cousas..

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d