Saltar ao contido principal

Johnny colleu o seu fusil

Coma todos, Johnny foi á guerra co símbolo da vitoria. Nunca máis volvería poder facer este xesto. 
Brutal peli, na que a banda Metallica se inspirou para dar o mellor tema metal da Historia: One.
Cun clic no cartel, podedes escoitar e ver o potente videoclip, gravado con imaxes da película.


É curioso o por que do título. Na I Guerra Mundial había unha melodía que convidaba a un tal Johnny e a todos os mozos estadounidenses a poñerse patrióticos, coller as armas e marchar á fronte a defender a nación. O título desta película é xustamente unha resposta a iso. Dinos o que pasou con aquel mozo da canción... E pasou que, en efecto, Johnny colleu o seu fusil, despediuse dos seus, marchou á guerra... e volveu dela mutilado e impedido de por vida.

O argumento incomoda e agobia. Ferido pola explosión dunha bomba e encamado nun hospital, Johnny ve impotente como vai perdendo as pernas, os brazos, a vista, o oído, o olfato e o gusto. Reducido a un torso tapado por unha saba, todos os seus esforzos se centrarán en lograr comunicarse dalgún xeito cos médicos, para pedirlles que o maten, mentres chora por dentro, lembrando a súa historia. Que se parece moito a de todos eses mozos que mandaron a unha guerra allea, estúpida e cruel. A mesma que estudamos.

Dádelle unha oportunidade. Inesquecible. Diferente a Carreiros de Gloria... e tamén a War Horse

Comentarios

  1. Para impacientes, escoitar "One" a partir do minuto 4.

    ResponderEliminar
  2. A verei (e a mirarei) esta fin de semana, so dicirche, que One merece ser escoitada desde o segundo 1, que se aguanten os impacientes!

    ResponderEliminar
  3. Jajaja. Di que si, Diegote! Non podo estar máis de acordo.

    Acabo de ver que a peli está enteira e gratis en youtube, en varias partes. A parte 1 empeza aquí:
    https://www.youtube.com/watch?v=DnQBcF54m8c

    Anímate (animádevos) a vela. Mellor co estómago baleiro!

    ResponderEliminar
  4. Antón31/3/13

    Impresionante peli. Por certo, a canción que utiliza Metallica para comezar os seus concertos é da banda sonora da peli!

    ResponderEliminar
  5. Pois mira, iso non o sabía Antón! Nunca fun a un concerto de Metallica. Pero paréceme unha xenial forma de empezalos!

    ResponderEliminar
  6. Negativo, non é por ir aqui de listillo, jaja, pero Metallica comeza os concertos con unha escena de ''El Bueno, el Feo y el Malo'' de Sergio Leone :) Pero uns dos videoclips de ''One'' sí que leva escenas da peli de Dalton Trumbo.

    ResponderEliminar
  7. Jajajaja... Listillo? :D
    Agora que o dis, Duarte, si que é verdade que empezan coa mítica canción de "El bueno, el feo y el malo". E de mostra, un botón:
    https://www.youtube.com/watch?v=YBF7azSOIZo

    Que luxo de comentaristas!
    Cando veñan a Galicia... imos, non?

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d