Saltar ao contido principal

American History X

Que farías se o teu propio irmán fose un neonazi?


Derek é un fascista de hoxe. Un neonazi. Por educación e como resposta a un entorno marxinal e hostil. Un día, algo fai que Derek vexa ameazada a súa seguridade na súa propia casa. E ese dia, comete un erro visceral e atroz. Un erro que só pode verse en branco e negro. Un erro que o perseguirá toda a vida. Como esa esvástica que leva tatuada sobre o corazón, e que xamais poderá borrar da súa pel.

É un dos carteis máis impactantes do cine dos últimos anos. E a película tamén. Porque hai mil pelis sobre Hitler e o perigo do nazismo. Pero esta... Esta é tan tensa, tan crible, tan natural, que pon os pelos de punta. Cun Edward Norton brutal, musculado, tatuado e caracterizado que dá medo... Un actorazo capaz de facer na mesma película que o temas, que o repugnes, que o comprendas, que o respectes, e que o queiras. Que se di pronto. Unha película que chega e non se esquece, que educa coma poucas, e despois da cal ningún fanatismo será posible en vós. Porque hai que facerse a un mesmo as preguntas correctas.

Comentarios

  1. Brutal. Unha das mellores películas da década dos noventa con escenas impactantes (mandíbula en bordillo). E Edward Norton espectacular, un dos seus mellores papéis, que competía con Benigni nos Oscars e non puido vencer ó italiano pola súa interpretación en ''La Vida es Bella'', premio moi merecido tamén.

    ResponderEliminar
  2. Totalmente de acordo. É certo que o Oscar a mellor actor a Benigni tamén era merecido, pero... que este papelón quede sen premio...

    Animádevos a vela! E despois contádesnos.

    ResponderEliminar
  3. Antón31/1/13

    Es-pec-ta-cu-lar!! Primeira interpretación que vin de Edward Norton. Unha peli que me marcou moito axudada pola pequena idade na que a vi as escondidas :D Logo viría El club de la lucha... e sen palabras por unha segunda vez!

    ResponderEliminar
  4. Cando o din dous que saben de cine... xa non hai dúbida!

    Moi boa a anécdota de ver a peli a escondidas, Antón. Teño algún recordo similar, pero con "El exorcista". "American History X" é dura, pero educa; e é apta para calquera con máis de 13 anos.

    ResponderEliminar
  5. Antón6/2/13

    Eu tamén teño recordos con El Exorcista!! Jajajaja demasiado pequeno era tamén jaja debe ser por iso que a día de hoxe aínda é a película que máis pánico me causa de todas as que vin :)

    ResponderEliminar
  6. Jajaja.
    E como a viches, Antón?

    Eu tiña unha tele pequena no meu cuarto. Era de noite, e vina coa luz apagada. Cada vez que se oía á nena Regan berrar con esa voz de "Sepultura", cambiaba de canal... E a base de cambios a destempo, acabei atrevéndome a mirala enteira. Iso si, de vez en cando, botando un vistaciño debaixo da cama... por se acaso. :)

    ResponderEliminar
  7. Antón6/2/13

    Pois foi algo bastante semellante, era de noite, creo que a estaban botando na 2 jaja eu tamén cambiaba de canal cando unha determinada escena me daba demasiado medo jajaja nunca na miña vida me olvidarei, e isto é certo, da primeira aparición da cara demoníaca nesa especie de "mensaxe subliminal" cando a nena está no hospital, esas cousas de neno flipan moito! xD e aos cachiños acabeina por ver enteira, coma ti :D

    ResponderEliminar
  8. Como para non impresionar!
    Eu creo que lograron transmitir a sensación de que o que se vía era certo ou podería selo. E conseguir iso en 1973, xa ten tela. Fai 50 anos!

    Que bo momento para vela outra vez... Facemos un pase Especial Aniversario? Non vale cambiar de canal! :)

    ResponderEliminar
  9. Antón7/2/13

    Fai 40 Miguel!! Non 50!! jaja aínda así, apúntome ao pase de aniversario, a parte, eu teño o director's cut, ou sexa, a versión extendida de toda a vida, coa que aínda disfruto máis, se disfrutar entra nas emocións desta peli :)

    ResponderEliminar
  10. Pois menos mal que mo dis! Aló ía eu de cabeza cos 50 anos! Aínda así, como ti dis, merece ese pase aniversario!

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d