Saltar ao contido principal

Rica Revolución á Francesa

Receta para unha rica Revolución á Francesa:
Ingredientes:
1 Rei
2 Privilexiados (nobreza, clero)
1 Ristra de paisanos, ben queimada e afogada en impostos
1 Parlamento que sirva de pouco
1/4 Quilo de Mal día, deses nos que un se levanta cabreado con todos
1 Par de armerías
1 Torre fortaleza
1 Frontón (servirá unha sala calquera na que reunirse... as pelotas poñédelas vós)
1/2 Litro de tinta, e pluma para escribir unha señora Constitución
1 Pintor que inmortalice a escea (a falta dun Jean Jaques David, valerá un David calquera)
1 Guillotina ben afiada... por se hai que cortar cabezas... de allo, claro.

Preparación:
Cóllase unha sociedade calquera. Aderécese cun par de anos sen alimentos, sen medios para vivir e cos prezos do básico desorbitados. Engádase unha boa presada de privilexios para uns poucos (exención de impostos, decenas de dereitos sobre o resto da poboación, cargos públicos e honores reservados...). Mestúrese cun Estado en bancarrota, completamente arruinado por gastos suntuosos e prescindibles (unha guerra, uns cantos palacetes, chófers, asesores de chófers, asesores de asesores...). Réguese todo cun puñado de ideas ilustradas e un chisco de esencia das 13 colonias.  Póñase todo ao lume, refóguese ben, salpeméntese e, como dirían os franchutes... Voilà! 

Vídeo da cocción, en só dez minutos: 


Moito ánimo para mañá a 1º de Bacharelato. E Sorte!
Se estades con ganas, ou vos apetece, tedes este bo documental enteiro e dunha peza AQUÍ.

Comentarios

  1. Non sei por que me estou imaxinando esa receita de revolución posta en marcha en calquera dos paises que estan en crisis.

    Ai dios a que se aveciña!!! Jejeje

    ResponderEliminar
  2. Almudena29/11/12

    A nós este ano tamen nos puxeron este video jajaj

    ResponderEliminar
  3. David.29/11/12

    Este mismo video vímolo este ano.
    A verdade, a revolución foi inprescindible, pero o prezo foi moi caro, como din nun momento.

    ResponderEliminar
  4. Sí, é un documental moi coñecido, e non está mal.
    O vídeo explica ben, e está bastante teatralizado. Hai partes que quedan fácil na memoria. Pero eu quitaríalle os momentos "historiador explicando". O que din é interesante, pero que os enfoquen a eles continuamente acaba facéndose repetitivo e rompe bastante o dinamismo da narración.

    Desde logo, como dis ti David, foi unha revolución extremadamente violenta. Aínda que a explotación señorial e a inxustiza social anteriores tamén o eran...

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d