Receta para unha rica Revolución á Francesa:
Ingredientes:
1 Rei
2 Privilexiados (nobreza, clero)
1 Ristra de paisanos, ben queimada e afogada en impostos
1 Parlamento que sirva de pouco
1/4 Quilo de Mal día, deses nos que un se levanta cabreado con todos
1 Par de armerías
1 Torre fortaleza
1 Frontón (servirá unha sala calquera na que reunirse... as pelotas poñédelas vós)
1/2 Litro de tinta, e pluma para escribir unha señora Constitución
1 Pintor que inmortalice a escea (a falta dun Jean Jaques David, valerá un David calquera)
1 Guillotina ben afiada... por se hai que cortar cabezas... de allo, claro.
Preparación:
Cóllase unha sociedade calquera. Aderécese cun par de anos sen alimentos, sen medios para vivir e cos prezos do básico desorbitados. Engádase unha boa presada de privilexios para uns poucos (exención de impostos, decenas de dereitos sobre o resto da poboación, cargos públicos e honores reservados...). Mestúrese cun Estado en bancarrota, completamente arruinado por gastos suntuosos e prescindibles (unha guerra, uns cantos palacetes, chófers, asesores de chófers, asesores de asesores...). Réguese todo cun puñado de ideas ilustradas e un chisco de esencia das 13 colonias. Póñase todo ao lume, refóguese ben, salpeméntese e, como dirían os franchutes... Voilà!
Vídeo da cocción, en só dez minutos:
Moito ánimo para mañá a 1º de Bacharelato. E Sorte!
Se estades con ganas, ou vos apetece, tedes este bo documental enteiro e dunha peza AQUÍ.
Non sei por que me estou imaxinando esa receita de revolución posta en marcha en calquera dos paises que estan en crisis.
ResponderEliminarAi dios a que se aveciña!!! Jejeje
A nós este ano tamen nos puxeron este video jajaj
ResponderEliminarEste mismo video vímolo este ano.
ResponderEliminarA verdade, a revolución foi inprescindible, pero o prezo foi moi caro, como din nun momento.
Sí, é un documental moi coñecido, e non está mal.
ResponderEliminarO vídeo explica ben, e está bastante teatralizado. Hai partes que quedan fácil na memoria. Pero eu quitaríalle os momentos "historiador explicando". O que din é interesante, pero que os enfoquen a eles continuamente acaba facéndose repetitivo e rompe bastante o dinamismo da narración.
Desde logo, como dis ti David, foi unha revolución extremadamente violenta. Aínda que a explotación señorial e a inxustiza social anteriores tamén o eran...