Saltar ao contido principal

O día de mañá: Furacán Sandy

Está pasando. 64 mortos no Caribe. Ventos de 150 kms/h. 300.000 persoas evacuadas. 7.400 voos de avións suspendidos. Toda a flota amarrada. 60 millóns de persoas recluídas. Ventás e portas seladas con táboas e sacos. Primeiros anegamentos de rúas. Ondas enormes. Guindastres dobrados coma se fosen de goma... En menos dunha hora (cando tecleo isto), o furacán Sandy barrerá todo o litoral leste de EE.UU., incluída a capital, Washington, ou a cidade de New York. Os meteorólogos prevén unha tormenta bestial de mar, vento, choiva e unha caída brusca das temperaturas, con neve e cortes de electricidade que poden durar semanas. Grazas a esta previsión, as rúas están baleiras. Pero a uns minutos de que a natureza se desperece con toda a súa brutalidade para recordarnos o pequenos que somos fronte a ela, é difícil non lembrarse das atroces escenas dun filme que acaso coñezades.


A secuencia forma parte da impactante película "El día de mañana", sobre o cambio climático. Desta vez é un furacán. Esperemos que a realidade quede lonxe da ficción.

Comentarios

  1. Sandra30/10/12

    Eu tamén espero que a realidade quede lonxe da ficción. Impresionantes imaxes, non só as da película senón as que estamos vendo día a día nos xornais e nas televisións deste furacán Sandy.

    ResponderEliminar
  2. Na web do xornal "The New York Times" aparecen xa publicadas medio cento de fotografías do desastre:
    http://www.nytimes.com/slideshow/2012/10/29/us/20121030_HP_STORM.html

    ResponderEliminar
  3. O furacán pasou. En youtube atopei un vídeo ben curioso, no que se ve, en só 4 minutos, o paso do furacán sobre a cidade. As imaxes están gravadas desde unha cámara fixa instalada na azotea dun rañaceos. Esta é a ligazón:

    http://www.youtube.com/watch?feature=player_embedded&v=Ujl84Ywi2Wo

    A día de hoxe, danos materiais aparte, 37 persoas perderon a vida, e iso tan só na cidade de New York.

    ResponderEliminar
  4. O que nos demostra o insigificante que somos cando as forzas da natureza se rebelan...

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d