Saltar ao contido principal

Debate ao estilo neonazi

Que fai un Neonazi nun debate? Podería ser un chiste, pero non; é unha pregunta con resposta. Tras aquela roda de prensa querendo emular a "La Ola" en plan charramangueiro, os neonazis gregos seguen ao seu: armándoa na rúa, ameazando entrar de cheo no parlamento e dando a nota nos medios de comunicación. Onte, nun debate televisado deixaron outra perla cultivada. E temos moitos motivos para preocuparnos. Pero moitos. Porque un extremista non entende de argumentos, nin de razóns, nin de ideas, nin de ética, e moito menos de respecto. Un neonazi exalta a violencia. Non sabe convivir co diferente. É máis, se puidera, exterminaría a todo o que discrepa, en ideas ou en aspecto. E sen cortarse un pelo. Incluso nun plató de televisión:


O portavoz do partido de extrema dereita "Amencer Dourado" (6% dos votos en Grecia), saiu por patas tras agredir así ás dúas parlamentarias de esquerdas que debatían con el (unha delas recordoulle que proximamente deberá enfrontarse a un xuízo por atraco a man armada). E é que Nazi e Debate, son palabras que non pegan nin con cola. As imaxes son unha proba xudicial para a policía, que emitiu unha orde de arresto; pero sobre todo son, para nós, un motivo para sermos críticos. Para estar alerta. 

Comentarios

  1. Totalmente de acordo contigo Andrea, non creo que fose casualidade que arremetera precisamente contra mulleres.

    O vídeo que achegas é tan preocupante como o de Grecia. Demostra que o do fascismo é un perigo moi presente aquí mesmo. Un perigo que algúns dan por desterrado, pero que agroma moi ben no caldo de cultivo da crise, a corrupción e a falta de ética en persoas que deberan ser exemplo para o resto da cidadanía.

    A parafernalia e o culto da violencia impresionan, e iso é o que buscan: paralizar mediante o medo. Fronte a eles, cautos si; medo non.

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d