Que fai un Neonazi nun debate? Podería ser un chiste, pero non; é unha pregunta con resposta. Tras aquela roda de prensa querendo emular a "La Ola" en plan charramangueiro, os neonazis gregos seguen ao seu: armándoa na rúa, ameazando entrar de cheo no parlamento e dando a nota nos medios de comunicación. Onte, nun debate televisado deixaron outra perla cultivada. E temos moitos motivos para preocuparnos. Pero moitos. Porque un extremista non entende de argumentos, nin de razóns, nin de ideas, nin de ética, e moito menos de respecto. Un neonazi exalta a violencia. Non sabe convivir co diferente. É máis, se puidera, exterminaría a todo o que discrepa, en ideas ou en aspecto. E sen cortarse un pelo. Incluso nun plató de televisión:
%2B00.52.03.png)
O portavoz do partido de extrema dereita "Amencer Dourado" (6% dos votos en Grecia), saiu por patas tras agredir así ás dúas parlamentarias de esquerdas que debatían con el (unha delas recordoulle que proximamente deberá enfrontarse a un xuízo por atraco a man armada). E é que Nazi e Debate, son palabras que non pegan nin con cola. As imaxes son unha proba xudicial para a policía, que emitiu unha orde de arresto; pero sobre todo son, para nós, un motivo para sermos críticos. Para estar alerta.
Totalmente de acordo contigo Andrea, non creo que fose casualidade que arremetera precisamente contra mulleres.
ResponderEliminarO vídeo que achegas é tan preocupante como o de Grecia. Demostra que o do fascismo é un perigo moi presente aquí mesmo. Un perigo que algúns dan por desterrado, pero que agroma moi ben no caldo de cultivo da crise, a corrupción e a falta de ética en persoas que deberan ser exemplo para o resto da cidadanía.
A parafernalia e o culto da violencia impresionan, e iso é o que buscan: paralizar mediante o medo. Fronte a eles, cautos si; medo non.