Saltar ao contido principal

Medicación contra exames (Nyman e Nightwish)

Hai músicas que te collen e te zarandean igual que o mar faría cunha cuncha, ou o vento coa folla vencida dunha árbore. En certo modo, a música é medicamento para cada estado de ánimo. E en tempos de exames, a música, ben receitada e administrada, é un medicamento esencial.

Hai músicas que estimulan. Músicas que relaxan. Músicas que aportan euforia. Hainas que axudan a durmir. Outras acompañan. Algunha é depresiva. Optimistas. Soñadoras. Nostálxicas. Inxenuas. Físicas. Potentes. Críticas. Rítmicas. Desoladoras. Duras. Alegres. Tristes. Suaves. Metálicas... 

Poucas teñen o estraño don de regalar a calma, ese que ás veces buscamos á beira do mar. Son músicas que case obrigan a pechar os ollos e deixarse levar... A de Michael Nyman para a banda sonora da película "The piano" é unha delas. Sobes o volume... Pechas os ollos... E déixaste levar.


 E para os menos clásicos tedes a enorme versión en metal sinfónico 
do grupo nórdico Nigthwish (clic AQUÍ).
A por todas! E sorte!
Etiquetas:

Comentarios

  1. Andrea Ledo20/5/12

    Aínda que non canta Tarja, a mellor vocalista que xamais tivo Nightwish, Anette (actual) non o fai tan mal aquí, aínda que se teño que escoller, escollo a versión de Nyman.

    ResponderEliminar
  2. Marcela20/5/12

    As cancións sen letra dan máis pe a imaxinar, a facelas túas, pero Nigthwish...xa o seu propio nome o di^^

    ResponderEliminar
  3. Miguel Abraira20/5/12

    Estou con vós en todo. As cancións sen letra dan máis liberdade para voar. A cantante está á altura. E Nightwish (de nome que inspira... ¿manto de estrelas, fragas frondosas, mandas de lobos, ouvidos de curuxas?) non so non destraga a Nyman, senón que dalle dous puntos de forza. É como se emporcara a pureza do primeiro, para transformalo nun relato máis épico. Algo así como Frank Miller cando fixo "300".

    ResponderEliminar
  4. Sandra22/5/12

    Eu tamén escollo a versión de Nyman,qué paz transmite! é preciosa!

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix
40 comentarios
Ler máis

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS
51 comentarios
Ler máis

III Concurso CineHistoria

Como cada curso, e xa van tres, en 1º de Bacharelato empregamos a Historia como unha escusa para ver cine... Ou será que usamos o cine como escusa para ver a Historia? O funcionamento é sinxelo. Entrego unha lista de películas por época histórica, concedo un prazo amplo para ver unha delas e despois realizamos un concurso de críticas onde cada un busca unha forma orixinal e breve de falar da peli que elixiu... Con que premio? Con cal vai ser! Aquí comeza o  III CONCURSO CINE HISTORIA  de 1º Bacharelato! 49 películas na lista. 41 candidatos que escribiron a súa minicrítica (8 liñas). 3 pelis de premio (as da imaxe) para as 3 mellores! A partir desta tarde podedes lelas todas, nos Comentarios  desta entrada. Este Xoves 4 , na clase e no blog:  Gañadores, Premio e Foto! Sorte a todos!  
41 comentarios
Ler máis