Hai cousas tan graves e serias na vida, que so podemos soportalas de dúas formas. A primeira: con humor. Humor irónico, hábil e ácido, que equivale á máis mordaz e intelixente das críticas.
E a segunda: con compromiso. Reaccionando como cidadáns críticos e intelixentes, que non tragan sen máis, e dispostos a defender os nosos dereitos. Especialmente aqueles que contribúen a facernos máis libres como persoas, e a mellorarnos como sociedade. Falo de Educación.
Exemplo de compromiso é o que pasou hai so dous días. Compañeiros vosos, meus e tamén pais de alumnos, decidiron pecharse no instituto (Santo Tomé, Vigo) e pasar toda a noite nel, en protesta contra os gravísimos recortes xa feitos e por vir na educación pública. Pareceume unha forma orixinal, chamativa, valente e dignísima de comprometerse e de loitar por unha educación pública de calidade. Un dereito que vós e máis eu tivemos grazas aos que nos precederon, que ten un incalculable valor para o desenvolvemento dun país e que agora nos corresponde defender a todos. E como os desertos se fan con graos de area, aquí vai este. A ver se facemos unha boa duna.
Qué crack José Mota!! e non se darán por aludidos os políticos...??!!!! porque recortes en ensinanza parece que os tiveron eles de pequenos, (onde non hai non se pode pedir...).
ResponderEliminarÉ triste que valoren tan pouco algo tan importante e primordial coma a ensinanza e a sanidade, moi triste...Mentres eles seguen cos seus cartos a rebosar no peto, nos bancos ,coches, casas, pensión vitalicias, etc etc. Unha vergoña!!
O de darse por aludidos non é deporte habitual dos que mandan. Se o fose, caería algunha dimisión de cando en vez, e xa non lembro nin a última.
ResponderEliminarPero bueno, aquí estamos nós para, como mínimo, dicirlles non a aquelo que non nos gusta.