01/06/11

Local Hero

01/06/11


Imaxina que traballas para unha compañía petrolífera. Vives nunha gran cidade, adoras vestir de traxe, tes moita pasta, e conduces un Porsche. Un día, o xefe encárgache ir a un pobo perdido na costa de Escocia, co obxecto de comprar todos os terreos para montar alí unha refinería. Cando baixas do avión, atópaste cun modo de vida... diferente, no que todo é rabiosamente peculiar, especialmente os seus personaxes: un axudante políglota pero algo alelado, un multialcalde, un vello que vive na praia cos restos que trae a marea (inevitable non acordarse de Crebinsky), unha investigadora mariña que parece unha serea, un cura negro (en Escocia!), un mariñeiro que cambia a diario o nome ao seu barco... e unha cabina de teléfono na que falar ten o seu aquel. Cando te deas conta, estarás preguntándote a ti mesmo se de verdade queres comprar un sitio así. 

Sorrirás con esta fábula na que se mesturan modos de vida, paisaxes que curan,  soños, sana loucura e a mensaxe de que, se cadra, non todo se pode comprar... (e de regalo, a música de Mark Knopfler de fondo). Podedes ver unha ficha da peli, clicando aquí.

Recibe os contidos no teu correo

0 comentarios

Publicar un comentario

Grazas por comentar!

ˆ
MIGUEL ABRAIRA © - DISEÑO: HERPARK