Habemus gañadores!
A imaxe é interactiva. Así que facede Clic neles para saber quen son e cal era a súa crítica.
A peli coa que posan é a que cada un dos gañadores escolleu como premio.
Espero que vos gusten e as disfrutedes!
Festival o que vivimos onte, coa entrega de premios ás mellores críticas. Este ano fomos sete as persoas que intervimos no tribunal, sinalando cada un de nós, por separado, o seu trío de críticas predilecto. Mil millóns de grazas a todas (eu era o único home do tribunal) por axudarme con tanta ilusión nunha tarefa tan delicada e emocionante como decantar esas críticas que tiñan un algo especial. Cada primeiro posto daba lugar a 3 puntos; un segundo posto a 2 puntos; e un terceiro posto a 1. Feitas todas as votacións, procedemos ao reconto, que quedou así:
Como vedes, 12 críticas lograron estar entre as escollidas por algún dos que integrabamos o tribunal do concuro. O empate a puntos no terceiro posto é o que explica que nesta edición tivéramos 4 gañadores, en vez dos 3 que viñan sendo habitualmente. Con todos reunidos nunha mesma clase, procedemos a ir revelando o nome dos gañadores, desde o chanzo inferior do podio ao máis alto... deixando así a tensión para o final. O feito de empezar dicindo o título da peli, en vez de o pseudónimo, engadía sal á espera... tiñades que ver qué caras!
A cerimonia rematou, por suposto, coa entrega do merecido premio, unha película orixinal a escoller entre seis. Paulo, como vencedor do certame, empezou escollendo; e así sucesivamente. Xa vedes na foto con cal se quedou cada un... as dúas sobrantes, "La tumba de las luciérnagas" e "The Bourne Identity", que pasan a engrosar a miña colección! ;) Ou deixarémolas para a edición do ano que vén...? Vémonos! Na clase ou en Caronte!
Noraboa a Paulo, Carlos, David e Noé!
E moitísimas grazas a todas e todos por ser cómplices
e unirvos con ilusión ao concurso!
Comentarios
Publicar un comentario
Grazas por comentar!