03/03/15

A donicela ambiciosa

03/03/15

A natureza supera ás veces á ficción e esta fotografía, totalmente real e capturada en Reino Unido o pasado luns, é un bo exemplo. Porque a ver:

Que fai unha donicela subida a lombos dun paxaro pica-pau en pleno voo?

Fotografías, todas, de Martin Le-May


A) Dar unha volta
B) Intentar comelo
C) Fixéronse amigos
D) Á donicela atráelle a cor vermella

Si, a última resposta é tentadora: é a máis longa, e o vermello case sempre ten unha atracción especial no mundo animal. Pero non. A resposta correcta é a B: está intentando matalo! A donicela é un mamífero moi pequeno, pero moi voraz e capaz de atacar a presas de entre cinco e dez veces o seu propio peso. De feito en Galicia hai unha chea de lendas nas que é tratada como un animal mortífero, tanto pola súa trabada como ata polo seu alento. 

A imaxe foi captada por un fotógrafo afeccionado,
desde o mesmo momento en que o mustélido se bota enriba do paxaro:

Ata que este, despois de voar durante uns segundos, 
logra aterrar e desfacerse da ousada depredadora. 

Polos pelos!... Ou polas plumas.
(Feliz Día Internacional da Natureza)

Recibe os contidos no teu correo

2 comentarios

  1. saíu a vena FÉLIX RODRÍGUEZ DE LA FUENTE!!! Que curiosos son os bichos meu deus!! E moito mais interesantes ca algunhas peroas!! Un Bico.

    ResponderEliminar
  2. Nesta ocasión non é un abejaruco, pero si, a imaxe é das que gustaría ao bo de Félix e lle faría botar unha mítica parrafada: "Amigossss: la mussstela nivalisss, conocida vulgarmente como comadrrrrejjja, se aferra, con sus garras prominentes, al pescuezo de su víctima..." :D Xa sabes!

    ResponderEliminar

Grazas por comentar!

ˆ
MIGUEL ABRAIRA © - DISEÑO: HERPARK