Saltar ao contido principal

Made in Galiza

Igual que o ano pasado, a homenaxe ao Galego en Caronte vai por libre. Tan libre, que chega un día despois do Día. Pero non importa; é máis, gústame a idea. Así que aí van un par de historias sorprendentes, co galego como fío. 

A primeira trata sobre o libro Made in Galiza, de Séchu Sende.
Éxito aquí... e no Curdistán!


"Made in Galiza" reúne pequenos relatos acerca das palabras, da vida que agochan ou á que dan lugar cando as usamos e tamén do amor pola lingua galega. Relatos ben orixinais, sensibles e cun punto de retranca, nos que é fácil recoñecer todos os comportamentos posibles en torno ao Galego. Con títulos tan suxerentes para unha lingua como "O ladrón de palabras", "Na oficina de obxectos perdidos", "Instrucciones para aprender a hablar gallego" ou "Eu fixen ouigha co espírito de Castelao"

Pero é que este libro é bestseller tamén en Turquía! E onte unha boa amiga contoume a fermosa historia do por que. Todo empeza o día en que un avogado curdo (unha minoría étnica nos países de Turquía, Iraq, Irán e Siria), abre "Made in Galiza" nunha libraría de Compostela. Levaba na cidade varios anos estudando Ciencias Políticas, e quedou tan impresionado polos relatos (nun deles os curdos de Turquía eran incluso protagonistas) que empezou a dar voltas á idea de dalo a coñecer aos curdos. E deu tantas voltas que traduciuno, e ao seu regreso editouno! O libro, publicado en turco e en curdo, foi elixido Mellor Libro de 2010 na Feira do Libro curda, e leva vendidas máis de seis edicións. Iso si, con novo título, extraído dun dos relatos: "Nin en soños vou perder a miña lingua". Pois iso.

Portada do mesmo libro, na súa exitosa edición en curdo. Vía

A segunda historia sorprendente lévanos máis preto,
pero tamén fóra de Galicia. 

En concreto a tres concellos no norte de Estremadura, nos que se fala galego! Ou algo tan parecido que é imposible non tremer ao escoitalos. Son Valverde do Fresno, As Ellas e San Martín de Trebello. Pero como é posible? A orixe parece estar no século XIII, cando estas zonas foron repoboadas con galegos. O illamento xeográfico axudoulles a conservar a súa lingua, que era galego antigo e que durante setecentos anos foi para eles instrumento de comunicación e símbolo da súa orixe. Da súa identidade. E aí segue. Viva.


Cun Clic na imaxe, podedes escoitala e saber máis da historia desta Fala.
De nomes distintos e orixe debatida, pero fermosa como toda lingua.

Felices Letras Galegas!

Comentarios

  1. Marey18/5/14

    e que as palabras sexan maıs fortes ca os nacıonalısmos!

    ResponderEliminar
  2. Así sexa! Como o foron nestes setecentos anos! E que as persoas nunca deixen de levalas consigo aló onde vaian.

    Grazas pola historia, Marey! E por seguir sendo, alén das fronteiras, Made in Galiza.

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d