Saltar ao contido principal

Noite estrelada, con Van Gogh... e interactiva

"Por fin, o ceo estrelado pintado na noite mesma"Vincent Van Gogh.


Van Gogh soñaba con captar toda a intensidade das estrelas, e os efectos da luz na escuridade. Logrouno en 1888 con esta "Noite estrelada sobre o Ródano", cando xa vivía en Arlés, pouco antes da automutilación e de ser internado no sanatorio. Gústame moitísimo esta Noite, moito máis que a outra que pintou. Nela están os seus trazos característicos: cores intensas (que buscan contrastes marcados), pinceladas longas e vivas (para dar forza e emotividade), e unha paisaxe enmarcada nunha composición ampla (a parella, o negro Ródano, a cidade cos farois acesos, e a inmensa luz das estrelas). Pero nesta ocasión, a pintura non transmite aínda tormento, nin loucura, nin a inestabilidade emocional que sufría Vincent. Moi ao contrario, hai equilibrio, calma, silencio... tranquila sensibilidade. Ao fondo, ata se distingue ben a Osa Maior, esa que semella un cazo ou carro, e que é a constelación máis visible do hemisferio Norte. Védela...?

Pois agora que as Perseidas converten as noites de agosto no mellor espectáculo pirotécnico que existe (100 meteoros visibles á hora!), é o mellor momento para saír á procura de espléndidas noites estreladas. Así que se podedes, facédevos cun planisferio celeste, xirade o disco branco ata situalo na data e hora correspondentes, e buscade no noso ceo a mesma Osa Maior que Van Gogh retratou por fin aquela noite de 1888, desde a ventá da súa casa amarela, á beira do Ródano. Cun pouco de sorte, o xenial pelirroxo faravos un guiño desde aló arriba, en forma de Perseida... Acaso transmutado en estrela fugaz.

E se non tedes un destes planisferios, Don't worry!
Clic na foto, e vivide as estrelas en Versión Interactiva!

Comentarios

  1. Vitoria19/8/13

    Desde o punto de vista das estrelas o espectáculo consiste en ver pasar desexos fugaces...
    ;-)

    ResponderEliminar
  2. Ou tamén en preguntarse o nome dos insignificantes puntiños que brillan ao lonxe, na inmensa noite do universo... Desde o seu punto de vista. :)

    http://sociedad.elpais.com/sociedad/2013/07/23/actualidad/1374582829_839160.html

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d