Saltar ao contido principal

A Curota: para mirar e mirar e mirar...

Esta finde fixen a ruta da nosa excursión de 3º. Enteira e de cabo a rabo. Ou case. Aproveitei para buscar, calcular tempos, descubrir puntos de vista, tender trampas e recoller miguiñas para compartir en Caronte. Así que, aínda que teño as imaxes da viaxe ben frescas na retina, desde hoxe e ata o día da excursión, publicarei tres entradas acerca da nosa viaxe, a cal máis prometedora, creo. E aquí vai a primeira. Para ir abrindo boca! Mirade o que se mira, desde o miradoiro da Curota (a última pista que desvelastes). Espectáculo puro. 

Facendo Clic, ábrese unha panorámica enoooorme 
e podedes mover a imaxe co rato!


Faltan 16 días!

Comentarios

  1. Silvia23/4/12

    Alaaaa que vistaaas! Góstame, góstame :)

    ResponderEliminar
  2. Pois cando estedes alí, xa veredes! (nunca mellor dito). Unha clase práctica de Xeografía nunha soa ollada.

    Aí vese Corrubedo, Ribeira, Palmeira, A Pobra do Caramiñal, Boiro, Rianxo, Vilagarcía, Cambados, O Grove, a illa de Arousa, a illa de Ons, as illas Cíes, Baiona... Como dirian en Toy Story, "ata o infinito e máis alá".

    ResponderEliminar
  3. Samantha23/4/12

    Profe, esto é precioso!! :)
    (Conta atrás: 16 días... ¡Que ilusión!)

    ResponderEliminar
  4. Paula25/4/12

    Este lugar para sacar fotos como a min me gusta e xenial,vai ser xenial jejeje 16 días,ainda falta un pouquiño :)

    ResponderEliminar
  5. Lucía Otero25/4/12

    Profe tes toda a razón un lugar fermosisimo esperamos que faga bo dia porque ultimamente so fai que chover...
    PD:non é esta paisaxe pero ainda asi teño a sorte de ver desde a ventá da miña habitacion unha ben parecida...

    ResponderEliminar
  6. Paula, ides poder facer unhas fotos únicas desde aí. A imaxe que vedes son varias fotografías que tomei e despois unín para sacar esta panorámica. E aínda así, non sae todo!!

    Mellor que chova agora que non en maio! De todos modos, un día como o da imaxe, nubrado e sen sol, sería o mellor. Ese día había unha luz espectacular. Vaivos encantar!

    ResponderEliminar
  7. Silvia26/4/12

    No tempo pon que en Corrubedo o 9 de Maio vai chover e tronar. :( Pero bueno, todo pode cambiar.

    ResponderEliminar
  8. A 14 días é difícil acertar incluso para os meteorólogos. Vamos a ser optimistas e pensar que estaría como hoxe: nubes e algunha pinga de auga para botar unha carreira.

    Se cando falte menos a previsión é a que di Silvia, moveríamos a data a un día de moito Lorenzo.

    ResponderEliminar
  9. Samantha28/4/12

    Non hai que ser pesimistas... Esperémos que faga sol :)

    ResponderEliminar
  10. Agardemos a este xoves, a ver que nos din os meteorólogos. Que teñamos sorte.

    ResponderEliminar
  11. Silvia3/5/12

    http://www.tiempo.com/corrubedo.htm

    Bueno pon que vai facer choiva, pero tamén sol. :D

    ResponderEliminar
  12. De momento, dan alta probabilidade de choiva; pero bueno, xa vedes hoxe: empezou chovendo a mares, e agora está todo seco!

    Un pouco de auga tampouco vai impedir que fagamos deste un día para lembrar!

    ResponderEliminar
  13. Lucía10/5/12

    ES MUY BONITO! Yo quería ir pero al final nada. Nos aburrimos un poco en clase pero, para la próxima iré seguro.

    ResponderEliminar
  14. Contamos contigo Lucía! Estuda moito para non faltarnos!

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d