04/06/11

Pearl Harbor e Metallica

04/06/11

Hoxe toca batallita. Batalla das grandes, contada con cine e música.
II Guerra Mundial (1939-1945): despois de invadir Checoslovaquia, Polonia, Dinamarca, Noruega, Holanda, Bélxica, os Balcáns e ata Francia, a Alemaña de Hitler, que estaba obsesionado por ampliar as fronteiras do país a costa das que el consideraba razas inferiores, ten a Europa agarrada polos colares. Italia e Xapón, con gobernos famentos de conquistas territoriais, tratan de seguir ese modelo. Así que os xapos poñen o ollo nos territorios do Pacífico, e EE.UU., que se mantivera á marxe ata entón, empeza a poñerse moi nervioso. E para tratar de atar en corto a Xapón, intenta castigalo economicamente. O nerviosismo estaba xustificado. Mirade, por exemplo, onde está o territorio estadounidense de Hawai (marcado coa A vermella).


E entón ocorre o inesperado. Na mañá do 7 de decembro de 1941, os xapos responden a EE.UU. cun ataque sorpresa, sen previa declaración de guerra, a Pearl Harbor (nas illas Hawai), onde estaba toda a flota naval e aérea encargada da defensa do Pacífico. A sombra de 350 avións nipóns escurece o ceo esa mañá. O resultado: o aniquilamento de 13 buques e 200 avións militares, máis de 2.500 vítimas estadounidenses, e a entrada total de EE.UU. na guerra.

Ningún filme recreou dunha maneira tan espectacular este ataque aéreo como a película Pearl Harbor, de Michael Bay. A peli (unha ficha, aquí), que naquel momento tiña o presuposto máis grande da historia do cine, fracasou no guión; pero as esceas do ataque xaponés son impresionantes, e debedes coñecelas. Por outra parte, creo que poucas músicas lle poden caer mellor que este The Unforgiven II, de Metallica.

Ningunha guerra é moral; pero ás veces, pasada polas artes, pode ata resultar fermosa. Que vos guste tanto como a min...

Recibe os contidos no teu correo

4 comentarios

  1. Paula5/6/11

    Pearl Harbor é a miña peli favorita. Encantame tanto a parte romantica como a parte historica. Vina por primeira vez con dez anos e dende aquela vin moitas mais, pero segue a ser a favorita, de feito a miña epoca da historia contemporanea favorita e a da 2 Guerra Mundial, todo grazas a esta peli, que por outro lado tamén foi a que me influi pa que me gustara tanto a historia

    ResponderEliminar
  2. Pedazo entradón!
    Acabas de xuntar a Segunda Guerra Mundial con Metallica e con Michael Bay! Sublime.
    Pearl Harbor non é que sexa moi boa peli...pero bueno...tampouco está mal, destacan sobre todo, como ti dices, os efectos e eso, que vindo do director de ''Armaggedon'' ou ''Transformers'' era de esperar.
    Por outra parte o conflicto...esta xunto con Vietnam son as miñas guerras fetiche.
    Nota para o autor: Miguel non sei si viches ''Érase una vez en América'', se non a videaches aínda cando teñas tempo (4 horas) botalle un ollo...ou dous mellor, e xa me comentaras que tal...
    P.D. É unha obra maestra...das que se levan o meu 10 en Filmaffinity.

    ResponderEliminar
  3. Paula: sempre hai unha peli que nos marca e nos gaña para o cine... ou para a historia. Eu lembro que o trailer desta peli deixárame coa boca aberta. Sobre todo, coas imaxes dos avións xaponeses vistos desde terra. Imaxinade o que puido ser estar aí (ou en Guernica ou Barcelona, na nosa guerra civil), cando os avións chegaban para bombardealo todo. Niso, esta peli é descomunal.

    Duarte: xa imaxinaba eu que che ía caer ben esta amalgama de guerra, cine e música. A de Vietnam é máis difícil tratala, porque nos caeu moi lonxe e non participamos, pero a través do cine tamén se podería chegar moi ben a ela (que che vou dicir eu a ti!).
    Nunca vin "Érase una vez en América", pero creo que é un peliculón como a copa dun pino. Apúntoma para o verán, e prometo un comentario despois por aquí.

    Por certo, unha pregunta. Hai unha chea de pelis sobre a II guerra mundial e o tema do nazismo. Algunhas, moi boas. Pero, cal é a que vos gusta máis a vós?

    ResponderEliminar
  4. Para mín a que se leva a palma é ''La Lista de Schindler'' de Spielberg, sobre o tema do nazismo creo que é unha das mellores películas que hai agora mesmo. Despois tamén hai outra de Andrzej Munk, ''La Pasajera'' que mostra perfectamente cómo eran os campos de concentración con un guión boísimo.
    Por outra parte tamén temos un documental moi bon sobre os campos de concentración, ''Noche y Niebla'' de Alain Resnais que merece a pena velo, e solo dura 30 min (unha pena)
    Despois tamén temos as que coñecemos todos...''El Gran Dictador'', ''La Vida es Bella'' ou ''Ser o no Ser''.
    Por último mencionar tamén un documental que se fixo fai pouco de 6 horas aproximadamente titulado ''Apocalipsis: La Segunda Guerra Mundial'', na miña opinión boisimo, que narra toda a 2ª Guerra Mundial dende principio a fin con imaxes inéditas e remasterizadas. En España emitiuse na 2.

    ResponderEliminar

Grazas por comentar!

ˆ
MIGUEL ABRAIRA © - DISEÑO: HERPARK