Son Miguel Abraira, e son profesor. Se cadra son o teu: ou, se estás aquí, quizais o fun algunha vez. En todo caso, quero que saibas que cada día atopo un montón de cousas que nos unen: noticias, películas, arte, libros, viaxes, experiencias, música, historias... Cada día véxote en mil cousas que falan da vida, que ensinan a vivila ou que nos axudan a soportala. E aquí, quero compartilas contigo. Acompáñasme?
Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto. Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida . Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! "; ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible... Con que premio? Con cal vai ser! Aquí comeza o V CONCURS