Saltar ao contido principal

Queres un Garfiteiro?

Hai algúns meses adoptoume unha gata. Si, son conscente de que soe ser ao revés, pero neste caso foi así, xúrovolo. Cada día que chegaba a casa, ela estaba esperando á porta. E o mesmo pasaba pola mañá, en canto botaba un pé fóra. Non vos vou mentir, encántanme os gatos, así que tamén puxen o meu grao de area... Ehem! De area, de comida, de mimos... A soidade de inverno évos moi fría, así que pouco a pouco fómonos coñecendo e encariñando ata sentirnos membros dunha mesma familia. 


Como vedes, Garfi é unha gataza siamesa, de pelo longo e ollos moi moi azuis. Quizais isto explica que unha fermosa noite de verán... Isto, ben... O caso é que hai xa un mes e dúas semanas que Garfi nos trouxo ao mundo (máis ben á miña casa) a estes catro Garfiteiros. Xa podedes imaxinar que falo de catro gatiños. Todos con ollos claros e pelo longo, coma ela. Tan fermosos e ben coidados, que dan ganas de papalos... pero non, non son para papar, senón para adoptar. En breve, Garfi, que está feita unha madraza, os empurrará polo seu ben a ser independentes e este será o mellor momento para que pasen a vivir con alguén que queira coidalos e compartir a vida con eles, como eu a comparto con ela.

Quizais esa persoa adecuada eres ti.
Queres coñecelos?

2 gatiños brancos
1 gatiña de tres cores
1 gatiña laranxa, atigrad


Preciosos, sáns, limpos, xoguetóns
e cunhas ganas felinas de compartir xogos, lambetadas e pelos contigo

Se adoras os gatos, tes lugar para eles na túa vida e es alguén moi responsable,
capaz de comprometerse a coidalos e querelos como Garfi (ou coma min)...
 Poden ser teus! 

Esperámosvos!

Comentarios

  1. Que bonitiños Miguel. Dou Fe que che encantan os gatos e sei que non lles falta de nada se están ao teu carón, solo desexo que se hai algunha persoa interesada sepa coidalos e querelos como fas ti. Moita sorte

    ResponderEliminar
  2. Preciosos!! Agardo que quen os adopte os coide, mime e queira tanto coma sempre fixeches ti cos teus Miguel, que sexan responsables e pensen en todo, son un máis en casa e hai que contar con eles en todo momento, cando se vai de vacacións, hai que lèvalos ó veterinario ademais de vacinas, desparasitación, cando están enfermiños, etc, e que os fagan felices porque os gatiños, seguro, farán máis que felices a quen os adopte! Que sorte tivo Garfi ó adoptarte! ;-)

    ResponderEliminar
  3. A que son unha fermosura? Non vos preocupedes, que farei casting! Non, en serio, asegurareime de que queden nas mellores mans posibles. De momento, estarán xuntos e ca súa mamá unha ou dúas semanas máis (ata completar os dous meses), así que ese é o prazo de tempo que temos para elixir e ser elixidos.

    Por suposto, encantaríame, un tempo despois da adopción, volver a xuntalos aos catro neste blog, para que todos saibamos como lles vai, como medraron e que valores engadiron á vida das persoas que decidiron reservalles un lugar especial ao seu lado. Contamos con vós!

    ResponderEliminar
  4. Sara Paloma9/10/15

    Son moi lindos!!! eu adoro os gatos, teño catro gatiños na miña casa son moi xoguetóns e algo traviesos pero os quero moito, espero que encontres a alguen que os adopte e coide :-)

    ResponderEliminar
    Respostas
    1. Ola Sara! É que se fan querer moito! Como non imos coidalos e mimalos! De feito encantaríame quedar con todos, pero non podo. Xa teño a Garfi e a Bimbo... un terceiro sería moito! (creo). Non obstante, temos a varias persoas ilusionadas co feito de poder levar un, así que espero que pronto poidan independizarse e iniciar a súa vida adulta. Menuda alegría que van dar á vida dos que teñan a sorte de levalos... A min cáeseme a baba a diario con eles!

      Eliminar
  5. Garfi tivo sorte de encontrar unha persoa coma Miguel,sempre intentando axudar no que pode.Os gatiños,espero que atopen un bos donos.

    ResponderEliminar
    Respostas
    1. Gracias David! :)
      Case case están xa as familias listas para recibilos! Estou seguro de que lles van encher a casa de cariño e risas, como me fan a min e a Garfi cada día.

      Eliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d